اسباب زياده شكوي الامهات من الاطفال

1-اولا الانشغال بالدنيا والبعد عن الدين معظم الامهات بتتفنن ازاي ولادها تبقي مثاليه ومتفوقه وصوره في برواز امام الناس من الاهل والجيران فضغطوا الطفل تماما بالاوامر وارهقوه بدنيا وذهنيا وعصبيا اهتموا باشياء دنيوية واغفلوا عن الدين مبيغرسوش فيهم حب الله وان طاعه الام والاب من طاعه الله وان الطفل هيدخل الجنة عشان بيطيع ابوه وامه بالعكس هما حشوا ذهنه بانك هتكون مؤدب عشان منظرك امام الناس!!! بيولد طفل كاره المجتمع والقيود وبالتالي عنيد

2-الغزو الفظيع من المسلسلات الهندي والتركي خاصه في ال5 سنين الاخيرة ام ظابطه مواعيدها علي المسلسل يلا خلص واجبك قبل المسلسل وكأن المسلسل بقا توقيت علي العكس كلمة خلص عشان تلحق صلاتك دي مش بتلاقيها غير نادرا جدا الا من رحم ربي وبكدا الطفل بيقدس التليفزيون ذي اهمه لانه مهم ومرتبط بيه كل المواعيد والكلام ،غير كدا الهري اللي في المسلسلات التركي والهندي وحب البطل وتضحياته لزوجته او حبيبته بيصيب الام بشلل المشاعر لان هي اقصي طموحها كلمه طبطبه ربنا يعينك مش عاوزه ورد ولا هدايا ام محطمه نفسيا مستني منها اي غير عصبيه وبالتالي طفل عصبي.

3-انتشارالتكنولوجيا بصوره مبالغ فيها التاب الايباد الفون الاندرويد بكل صوره الم بتكتب الواجب مع ابنها والفون في ايدها بتاكل والفون في ايدها بتطبخ بتعمل اي حاجه الفون في ايدها او لفاه في  الطرحه وابنها يسالها اي سؤال هي اصلا مش سمعاه فيضطر يعلي صوته وهي مش سامعه لانها مشغوله مع اللي بتكلمه فيبدا يتعصب ويضرب اي حد او يكسر حاجه عشان يلفت الانتباه وساعتها بقا الام بتاخد بالها وترد رد فعل طبيعي جدا بتقول تعجن فيه تقريبا لو بيتزا مش هتبذل مجهود في عجنها ذي ما بتعجن في الواد وكده بقا عندنا طفل  مكسور نفسيا

4-تشتت الانتباه الناتج عن الاجهزه في البيت حاليا في كل بيت راوتر والواي فاي اللي تقريبا ددمر وخرب عقول كتير جدا لان كثرة استخدامه بياثر علي المخ وبيولد عصبيه بسبب الارق وتعالي بقا نكتب الواجب او نذاكر تحت الراوتر واجارك الله والله ما هيفهم ولا يستوعب وده جانب طبي لان االاشعاعات الصادره منه سيئه للغايه وبتؤذيه وهنا طفل  مشتت الانتباه

5-تعالي بقا لاهم حاجه وهي ان زمان مكنش في تواصل كتير كان الاهل بيتجمعواالخميس او الجمعه يشكوا ويهزروا ويضحكوا في بيت العيلة والاولاد بتلعب برة البيت او فوق سطح البيت مطمنين عليهم وفي امان وحب اللمه بيجبرهم ميشتكوش ذي ما بيفرض عليهم انهم يتبسطوا لكن حاليا الاصحاب والاخوات عالفيس بوك 24 ساعه بيندبوا حظهم وميلة بختهم في جوازهم وميلة بختهم في العيال وحماتها وحماها وسلفتها وكل ده علي مسمع الطفل مش هيبقي في ذهنه غير انه غير مرغوب فيه

6-مافيش احترام لخصوصيه الطفل ولا اعتراف برايه بالتالي هيبقي طفل ضعيف الشخصيه واول ما يحب يقويها هيعلي صوته عالام ويكسر ويعند

7-التباهي والفشخره بفرط الحركه عند الاولاد وتحس انه مثلا ذي النقرس مرض الاغنيا وتفضل تقول انا بتعامل مع اخصائي كذا وبجيب علاج بكذا مع العلم ان 50%من العلاج هو انك تحضني طفلك/كمان الام المشغوله ع طول ومبتكلمش ابنها او بنتها من صغره فالطفل هيتاخر في الكلام فبسرعه ع مركز تخاطب وتتفاجئ ان ع جروبات وتسال عاوزه دكتور تخاطب كويس ،طيب ليه مش تسالي حد متخصص انتي كدا بتنشري وتتباهي بفشلك واهمالك

ده جزء مبسط من جدا من الكلام اللي بيخلي الام تشتكي من طفلها بيكون هي السبب الاول والاخير قبل ما نلوم ع الطفل لوم نفسك انت وصلته لكدا ازاي؟؟ وانا اولكم هبدا بنفسي

ممنوع النوم والفون في ايدك ولا في غرفة الاولاد

ممنوع التاب 24ساعه عشان تلهي ولادك عنك

احضني طفلك دايما متبخليش بمشاعرك عليه

حصني قلبك وبيتك بالقرأن واقفلي قلبك عن شهوات الدنيا

ولادك رقم واحد اقرئي معاهم قصص قبل النوم

دائما رددي وبشر الصابرين واحتسبي الاجر من الله

ابدا بنفسك وبعدها طفلك