طريقة عمل فراخ كنتاكى فى البيت

المقادير.
فرخه كيلو ونصف مقطعه 8 قطع والسكينة نعمل ثقوب فى كل قطعه حتى تتشرب من التدبيله
ملعقه كبيره بابريكا
ملعقه كبيره ثوم بودر
ملعقه كبيره بصل بودر
ملعقه كبيره توابل فراخ كنتاكى من العطار
علبتين كبيرة زبادي
ونصف ملعقه صغيره فلفل أسود
ملح حسب الرغبه
3 أكياس ماجى بودر
كوب دقيق
ماء حسب الحاجة

الطريقه.

اولا . هنضف الفراخ كويس وننقعها فى ميه مثلجه فيها ربع كوب خل وتلات ملاعق كبار ملح و3 ملاعق كبيرة سكر ولمونتين وتترك 4 ساعات فى الثلاجة .
بعد كدا نشطفها بالميه

ثانياً. ونتبلها بالاتي.

بابريكا.ثوم بودر بصل بودر توابل فراخ ونضيف عليهم علبتين زبادي ونص ملعقه فلفل اسود ملح ثلاثه اكياس ماجي بودر ودقيق والماء يوضع الماء قليل بقليل وتخلط لحد لما تكون عجينه ثقيله نوعاً أخف من عجينه الكيك شويه قليل .
توضع الفراخ فى التدبيله وتقلب كويس ونحطها ف كيس مربوط كويس
وعالتلاجه لمده يوم..
بعد يومين حنجيب كيس كبير فيه نصف كيلو دقيق وعليه بكنج بودر ورشه بسيطه كركم ويقلب .. وندخل قطع الفراخ جوا الكيس ونقلبها كويس وعلى زيت غزير حامي جدا وبعد دقيقتين نوطي النار ونغطى عليها ونسيبها 13 دقيقه ونطلعها على ورق مطبخ.

ملاحظات هامه جدا

الفراخ نجيبها متزيدش عن 1500 جرام قبل الذبح … وبلاش موضوع السلق عشان بيبقى طعمها مش حلو .. محدش يقلق الطريقه دى هتطلع ناضجة وجميله معاكى
ولو عوزين الكنتاكي حار احشو الثقوب اللى عملنها فى لحم الفراخ شطه حارة ناعمه مخلوطه بالزيت
ولحشو الشطه استخدمى سرنجه جديده اسحبى فيها الشطه بالزيت ودخلى طرف السرنجه فى الفتحات واحقنى الفراخ بالشطه فى لحمها بجانب عظام الفراخه فى كل مكان
ويمكن استخدام نفس الوصفه فى الفراخ الفليه ( المخليه من العظام )
أو أجنحة الدجاج فقط
أو دبابس الفراخ فقط