دونجا يعلن تنازله عن 25 % من مستحقاته للإسماعيلى
![](https://aldewaan.com/wp-content/uploads/2024/02/IMG_2306.png)
كتبت- آية أشرف
أعلن محمود عبدالعاطى دونجا لاعب بيراميدز تنازله عن مستحقاته المتأخرة لدى ناديه السابق الإسماعيلي، ونفى اللاعب ما تردد عن وجود مفاوضات للعودة للدراويش خلال فترة الانتقالات الشتوية الجارية.
وكتب دونجا عبر صفحته الشخصية على موقع التواصل الاجتماعى «فيس بوك»:«تم التنازل عن 25 فى المية للنادى الإسماعيلى من مستحقاتي، متبقى 25 فى المية فى شيك من المهندس يحيى الكومي.. فأنا رفعت دعوة على المهندس يحيى بالشيك وكسبت القضية، بس القضية جت بالحجز على النادى لأن الشيك طالع من النادى مش من حسابه الشخصي».
وأضاف: «وجه الحكم بالتنفيذ فكلمنى المحترم العميد أحمد النجار من ٢٠ يومًا قالى مشكور على ٢٥ فى المية اللى اتنازلت عنها بس بستأذنك توقف الحجز لأن احنا بنفك قيد وهنجيب لعيبة، أقف مع النادى قولتلو لو فعلًا الإدارة هتعمل كدة (تفك قيد وتجيب لعيبة والنادى يخرج من اللى هو فيه أنا أول واحد واقف مع النادى ومش هحجز على حاجة، وهو ده اللى حصل وقفت كل حاجة بدون ولا جنيه قولتهم النادى يخرج من اللى هو فيه وبعد كده نشوف أى حاجة تاني.. حد قالها أخبار كلها أونطة وأما بيكلمونى بيبقوا محتاجين حاجة بساعدهم فيها لو أقدر وربنا يكرم الناس وتقدر تخرج النادى من اللى هو فيه.. شكرًا».