إيناس الدغيدي بـ مهرجان الإسكندرية: دخلت معهد سينما بسبب عمر عبد العزيز
كتب_ أيمن غانم
قالت المخرجة إيناس الدغيدى خلال ندوة تكريم المخرج عمر عبد العزيز ضمن فعاليات مهرجان الإسكندرية السينمائى لدول البحر المتوسط فى دورته الـ37، قائلة: “أنا بسبب عمر دخلت معهد السينما لأن محمد عبد العزيز غششنى بسبب عمر، وكان داخل يغشش عمر وقالنا شوية اجابات، وكنا بنشوف محمد وعمر دنجوانات الدفعة وكوميديانات الدفعة، وعمر طول عمره خبيث هادى وساكت بس متعرفش بيخطط لايه“.
وأضافت المخرجة ايناس الدغيدي: انا مش عارفة ليه دفعة مخرجين زى عمر عبد العزيز وعلى بدرخان وانا وغيرى قاعدين فى بيوتنا، والسينما مش الشباب بس ولازم يكون فى تواصل بين الاجيال لان المجتمع بيتكون من الكبار والشباب والصغار، والدولة بتحاول تساعدنا واحنا مش عارفين نعمل حاجة ولازم ناخد خطوة جدية“.
وكشف المخرج عمر عبد العزيز سبب غيابه عن حفل افتتاح مهرجان الإسكندرية وقال”: انا لم أجد كرسى فى حفل الإفتتاح وانسحبت لذلك وجب التنويه على هذا الأمر ولكن انا من ابناء المهرجان واحبه، واهدى التكريم إلى دفعة 76 التى تحمل أسم ( بهاء النقاش) فجميعهم يستحقوا الأفضل، وعشت معهم أجمل أيام، وسعيد بتكزيمى ووجودكم معايا.
