“أمهات مصر”: سهولة امتحانات اللغة الأجنبية الثانية.. وغضب واستياء أولياء الأمور من تسريبها
كتب – محمد عيد:
قالت عبير أحمد مؤسس اتحاد أمهات مصر للنهوض بالتعليم، إن أغلب أولياء الأمور أكدوا سهولة امتحانات اللغة الأجنبية الثانية خاصة الفرنساوي والإيطالي، بينما واجهتهم صعوبات في بعض أسئلة إمتحان مادة اللغة الألمانية.
وأعلنت عبير، عن غضب وإستياء أولياء الأمور من تسريب جميع مواد امتحانات اللغة الأجنبية الثانية علي مواقع التواصل الإجتماعي ليلة الإمتحان، مؤكدين أن مجهود أبنائهم المجتهدين يضيع بسبب تسريب هذة الإمتحانات التي لم تفرق بين الفاشل وبين المجتهد.
وطالبت عبير، وزارة التربية والتعليم بفتح تحقيق عاجل وفوري في المتسببين عن تسريب الإمتحانات وإحالتهم للمسئولية القانونية اذا سبتت الواقعة.
وتفاعل أولياء الأمور علي صفحة اتحاد امهات مصر علي الفيس بوك، حيث قالت ولي امر : “للأسف القضية إن مش مهم الإمتحان اتسرب زي ما الوزير بيقول، ما هو كدا كدا مش في المجموع، لكن للأسف ده فشل قي قياس مدي نجاح التجربة، هيقس نجاحها ازاي من عدمه بإمتحان متسرب، هما ليه مصممين علي عدم الإعتراف بالأخطاء والفشل الي هما فيه.. لمصلحه مين؟”.
وأضافت ولي أمر أخري: “مجهود ابني راح في مذاكرة وفي تعب طول الترم، دلوقتي زي أي واحد مش ذاكر وفلوسه ودروسه ضاعت عليه”، وتابعت أخري:”عايزة اعرف هي الوزارة بتعمل كدة ليه؟ بعد اللي حصل في العربي كل يوم تسريب الامتحانات، ازي يعني لمصلحة مين في رهبة الامتحان، وفين العدل، كدة المستوى بين اللي ذاكر واللي مش ذاكر اصبح واحد، احنا دفعين دم قبلنا دورس”.
واستكملت ولي أمر: “الإمتحان متسرب، البنت بتقولي صحابها كاتبين الإجابات في الكتاب وخلصو بعد خمس دقايق، يعني ايه انا يطلع عيني مذاكرة ودروس وتعب وهما ينقلو علي الجاهز هو ده التطوير انا كأم مش فاهمه ليه عامل الامتحان؟”.
