منوعات ونجوم

بعد إعلان إصابته بالبهاق.. رسالة من ناريمان لزوجها “رامي جمال”

كتبت_نهلة الوزير
حرصت ناريمان، زوجة الفنان رامي جمال، على دعمه، بعد إعلان إصابته بمرض البهاق واعتزامه اعتزال الغناء خوفًا من ردود الأفعال تجاه هذا المرض.

ووجهت ناريمان رسالة له، خلال لقائها في حلقة برنامج «عرب وود»، أعربت فيها عن حبها له وتمسكها به، حيث قالت: «عمري في حياتي ما كنت أتخيل إن ربنا يرزقني بزوج زيه وربنا يخليه ليا».

يذكر أن رامي جمال كتب عبر حسابه الخاص على Facebook: “الحمد لله الذي أحبني ‏فابتلاني، وقدرني على الصبر من فترة ظهرت بقع بيضاء في جسمي وبالكشف عرفت أنه البهاق، وجربت أنواع علاج كتير ودكاترة كتير ومفيش فايدة، رضيت وسلمت أمري لله؛ علشان عرفت إن الزعل بيزوده، وكفاية ‏شغلانتي وصعوبتها والقلق الدائم من المستقبل”.‏

وأضاف رامي جمال: “وفعلا بقى بيزيد لدرجة لفتت نظر ناس كتير.. اللي بقى يقولي هتتعامل ازاي وأنت فنان؟! واللي يخاف يسلم، ‏واللي يسألني هو ده معدي، أنا بقالي سنة فعلا، لو عندي حفلة أو تصوير بتعب على ما أشوف طريقة أخفيه بيها؛ ‏لدرجة خلت ناس تقول لي شوف بيزنس تاني اعمله علشان الناس مش هتقبلك كدة”.‏

وتابع رامي جمال: “فكرت في كلامهم بصراحة، ولقيت إن عندي حلين؛ يا فعلا شكرا لحد كدة على الشغلانة ‏دي، رغم حبي ليها، وعدم معرفتي بغيرها، يا إما مش هداريه تاني وتقبلوني بيه وترحموا كل اللي ربنا ابتلاهم بيه ‏من نظرة إن شكله غريب.. الحمد لله على نعمة الأهل لأنهم الوحيدين اللي بيقبلوا الواحد زي ما هو، طولت ‏عليكم بس قُلت أشرككم في حياة فنان”.

الرابط المختصر -الديوان:
زر الذهاب إلى الأعلى
إغلاق