منوعات ونجوم

تعرف على رسالة أشرف طلبة لجمهورة.. قبل انطلاق عروض المواجهة

كتبت – إيمان رضوان

وجه الفنان أشرف طلبة، مدير مسرح السلام، رسالة إلى جمهوره، وذلك عبر صفحته الشخصية على موقع التواصل الإجتماعي الشهير “فيسبوك”.

وكتب “طلبة” عبر صفحتة قائلًا :”مسرح السلام.. شعبة المواجهة.. لما اتعينت مدير لمسرح السلام .. طلعت المكتب و قعدت علي الكرسي و بصيت حوالية لقيت مسرح بعشقه وعشت فيه العمر كله.. سألت نفسي ايه اللي ممكن اعمله للمكان، انا هضيف ايه.. ونط في دماغي كمان اعضاء النقابة.. ساعتها جاتلي الفكرة والسبب فيها اشرف زكي صديق العمر اللي كان دايما يقول فكر بره الصندوق”.

وتابع :”وكنت لسه خارج من فترة 6 شهور بهدلة في التحرير لحد 30/6 .. وبوجودي في التحرير الفترة دي كلها مع الاختلاط الكتير بمجموعات مختلفة، عرفت قد ايه الناس متبهدلة في افكارها و ترتيب دماغها، كل اللي بقوله ده خلاني ابص للصندوق لقيته صغير فنطيت منه جاتلي الفكرة”.

وأضاف :”سيبنا من الفردية و العنجهية وتعالي ندخل في تكامل وترابط مسرحي تعاون حقيقي و جاد وليه هدف بين كل الأجهزة المعنية لإنتاج اعمال مكتوبة خصيصا لهذا الغرض لاهداف وتأثير معينين علي الجمهور كنوع من المناقشة النفسية والعقلية الغير مباشرة مع الجمهور للوصول الي الهدف الاساسي للمشروع وهو نشر الوعي بجميع اشكاله النفسي والعقلي و المجتمعي و خلافه ومن خلال آليات فنية مدروسة فنيا وعلميًا” .

واستكمل حديثه قائلًا :”المشروع ليه مفردات كتير جدا جدا مش هطول عليكم بيها، لكن كان لازم اخرج من فكرة عرض علي مسرح السلام الي عروضه علي كل اماكن العرض في الجمهورية .. دي الحاجة الوحيدة اللي تخليني ادخل كل بيت في مصر واتكلم معاه واعلمه و اوجهه ويعلمني ويوجهني، وقصور الثقافة ومراكز الشباب والمدارس وغيرها ماليين البلد، وبالتعاون اقدر اعرض في كل شبر عندهم” .

وتابع :”وفي الوقت نفسه هيشتغل في المشروع اعداد كبيرة جدا في مجموعة ضخمة من المسرحيات.. ساعتها كلمت اصحابي اللي انا عارف انهم من اساسيين العروض في المحافظات وحافظينها.. منهم فهمي الشرقاوي الله يرحمه و صلاح الحاج وعادل حسان وصلاح بركات” .

وأشار :”قعدنا واتناقشنا ووصلنا لحاجات كتير وبدأ يتبلورعلي الورق مشروع ضخم لصالح البلد و المواطن.. فتوح احمد كان رئيس البيت ساعتها حكيت له الحكاية طار بيها واتفقنا نبدأ المشوار.. قالي ساعتها ان فيه تجربة مسرحية بتناقش قضايا البلد اخراج محمد الشرقاوي شاب جديد بيلف بيها اماكن كتير ومعسكرات الأمن المركزي ووصاني عليه وفعلا جبت الشرقاوي و كمل لف بعرضه و انتجت له عرض جديد ووسعت دايرة العرض للمحافظات و القري و النجوع اللي هي اهم اماكن الاحتكاك والاقتحام في المشروع”.

واضاف :”وطلع فتوح معاش قبل ما نبدأ لكن الحمد لله جه اسماعيل مختار وبرضه حكيت له المشروع و طار بيه وجت الدكتورة الفنانة الجميلة ايناس عبد الدايم وعملت شعبة المواجهة التابعة لادارة مسرح السلام والشرقاوي مشرف علي الشعبة” .

واستكمل حديثه قائلًا :”ده حلمي اللي حلمته بشدة لما قعدت علي كرسي المسرح ومن ساعتها مقعدتش في المكتب تاني دايما قاعد تحت وسط الناس لأن المشاريع دي محتاجاك و سط الناس” .

وأختتم حديثه قائلًا :”يوم السبت بكرة الساعة 6 علي مسرح السلام احتفالية انطلاق اول مجموعة من عروض المواجهة بحضور الفنانة الدكتورة ايناس عبد الدايم والمبدع خالد جلال والفنان اسماعيل مختار و كوكبة فنية متنوعة.. انا طالع معاش لكن لاني مقعدتش علي الكرسي عمري ما هحس اني قمت من عليه” .

Virus-free. www.avg.com
2 Attachments

الرابط:

موضوعات ذات صلة

زر الذهاب إلى الأعلى
سكنك عندنا .. الديوان العقاري
إضف إعلانك مجاناً
نرجو إرسال واتس آب بطلبكم وسيتم الرد عليكم في أقرب وقت ممكن
- الإسم الثلاثي
- المواصفات
- الصور
شاهد اعلانك على: http://aldewaan.com/aqar/
مع تحيات فريق عمل الديوان العقاري
Powered by
إغلاق