منوعات ونجوم

رامي جمال موجها الشكر لداعميه: الحب بينور الدنيا ويرجع الروح

كتبت_نهلة الوزير

وجه النجم رامي جمال رسالة شكر لكل محبيه بعد إعلان إصابته بمرض البهاق عبر صفحته الشخصية على موقع التواصل الاجتماعي فيس بوك.

وكتب رامي: “الحمد لله أولا وأخيرا أنا عاوز أقول كلام كتير عن اللي شوفتوا منكم كلمه شكرًا قليلة على مشاعركم وعلى رقي كلامكم وعلي الوقت اللي ضيعتوه علشان تحسنو الصورة المظلمة اللي كانت في عيني”.

وأضاف: “أنا بقيت شايف الابتلاء ده هدية من ربنا علشان أشوف الحب ده والله دموعي مبتقفش وانا بشوف كلامكم اوعوا تبخلوا على أي حد بدعم نفسي زي اللي دعمتوني بيه إحساس الحب بينور الدنيا بيرجع الروح والأمل اللي انتو عملتوه ميتقدرش”.

وتابع: “ثانيا عاوز أشكر زملائي الفنانين على كل كلمه حلوه وكل دعم شفتو هي دي الروح اللي نفسي تفضل موجوده مش بس بعد المرض ولا الوفاه الكلام الحلو قولوه علطول ليا ولغيري بيفرق جدا الحب بيغير الضلمه لنور”.

واختتم: “ثالثا لكل القنوات اللي بتحاول تتواصل معايا من امبارح علشان تطمن عليا بشكركم جدا بس أنا كتبت البوست ده علشان أنهى حمل على قلبي مش علشان ابقي تريند بشكركم طبعا بس اتمني لما تقررو تستضيفوني يبقي على عمل فني مش مرض مقدر شغلكم طبعا بس انا مش قابل فكره مريض انا الحمد لله اتأكدت بكلام الناس اني مش خايف ومش هترفض فبلاش اَي حاجه تتفهم غلط شكرًا على اهتمامكم ومقدرو واشوفكم في لقاءات فنية بعد نزول ألبومي ده أفضل نفسيا كتير ليا ومفيش مانع ساعتها نتكلم عن اني ازاي اتعايشت بيه وهتعايش بيه لو ليا عمر الحمد لله على الابتلاءالحمد لله على حبكم ودعمكم ده دين هعيش بيه خلصتوني من سجن كنت عايش بيه كنت بصحي قبل ما اغسل وشي اعد البقع واشوفها زادت ولا لا انهارده صحيت نزلت وحبيت المحنه اللي ورتني قلوبكم وجمالها شكرًا من قلب قلب”.

وكان النجم رامي جمال أعلن منذ أيام إصابته بمرض البهاق وتفكيره في اعتزال الفن.

الرابط المختصر -الديوان:
زر الذهاب إلى الأعلى
إغلاق