رجاء الجداوي بمهرجان سينما المرأة: “معنديش مشكلة مع سني”
قالت الفنانة رجاء الجداوي، إنَّ الشياكة والأناقة ليست في المظهر الخارجي فقط، لافتة إلى أنَّ المظهر الخارجي يتمثل في الانطباع الأول؛ ولكن عند الجلوس مع الشخص سواء كان أنيقًا أو “مبهدل” والاستماع إلى حديثة الشيق يكون لدى الشخص شعورًا أن الأناقة نابعة من القلب.
وأضافت الجداوي، خلال لقاءها مع الإعلامية إنجي علي، على هامش مهرجان أسوان الدولي لأفلام المرأة، المذاع على فضائية “نايل سينما”، أنَّ الأناقة الداخلية شيء جميل “وياما سيدات جميلات أوي تقعديها وتولعيلها شمعة وتحطي وردة وتقوليلها ياريت متفتحيش فمك”.
وتابعت الجداوي، “امبارح حد قالي ازاي تقولي إنك بدأتي سنة 59، قولتلهم الأفلام كلها مؤرخة، فيلم دعاء الكروان كان سنة 59، وتم عرضه سنة 1960، ومقدرش النهاردة أكذب، وإن شهادة الميلاد عندي، وأنا اللي شايلة السنين مش انتوا، وأنا معنديش مشكلة مع سني، ومتصالحة مع نفسي”.
وأوضحت الجداوي “زمان كنت الفتاة الأرستقراطية اللي جملة بتسبقها، وتدخل الكادر فتاة أنيقة، المسألة بقت إن عندي تفرعات كتير حلوة فتحتلي أبواب تانية في إن ممكن أبقي الأم، الجدة، مرات الأب، والسيدة التي تعول، فالمسألة بقت أحلى وأشمل وده مش مضايقني أبدا”.
واستكملت: “أنا بحمد ربنا كل يوم وأنا قايمة من السرير بقوله ألف حمد وشكر ليك يارب على اللي أنت عاملهولي، الحمد لله إني أنا عشت لما يبقالي حفيدة الحمد لله على كل شيء إيه المطلوب؟ هي بس الحمد لله”.
