رسالة قاسية من أحمد العوضي لمنتقدي خطيبته السابقة
كتبت – إيمان رضوان
تداول نشطاء مواقع التواصل الإجتماعي صورة تجمع الفنان أحمد العوضي بخطيبته السابقة معترضين على ملابسها، ما أثار غضب العوضي وجعله يرد على هؤلاء عبر صفحتة الرسمية على موقع التواصل الإجتماعي الشهير “فيسبوك”.
وكتب “العوضي” عبر صفحته قائلًا :” طيب مبدأيا كده صور الخطوبه اللي غرفت الفيسبوك امبارح دي من سنه ونص.. تاني حاجه انا كنت خاطب وزي اي علاقه في الدنيا قسمه ونصيب.. تالت حاجه انا كنت خاطب واحده لو قعدت اقول عملت ايه عشاني من هنا لسنين قدام مش هيكفي فهي واهلها يفضلو دايما علي راسي”.
وتابع :”رابع حاجه كل الرجاله اللي اتكلمو في حقي كلمه حلوه او حتي انتقدوني لشخصي علي راسي …. الناس اللي احلوت بقي واتكلمو في فستان خطوبه مقفول من فوق (وكانو متخيلين اني هلبسها عبايه )ونظرو علي بنت محترمه عشان يضربو فييا انا”.
واستكملت :”فانت لو كان ابوك تعب شويه علي انه يعلمك ان الحريم خط احمر وانك لما تحب تضرب في راجل بيبقي منك ليه .. لو كان علمك كده كان زمانك فاهم في الاصول … فانسي بقي اني ممثل والكلام ده لا انا في الاول والاخر منكم يعني وارد تقابلني في اي مكان انا مش عايش في النمسا فاعمل حساب انك خضت في سيرة ناس مني”.
وأضاف:”استرجل كده وسيبك من جو حرفين هتكتبهم وقلبك ميت عشان ساعة الجد الموضوع بيختلف .. محروق من حاجه اسأل انا بروح فين وتعالي قولي انت وانت وانت وانت عاادي بس هتعمل فيها جلنديزر علي الفيسبوك … ولما تخطب يا حلو ابقي لبسها عبايه في الخطوبه او خبيها اقولك ابقي لبسها بدله عشان انت ارجل مني ياجامد”.
وأختتم حديثه قائلًا :”اخر حاجه انا سنجل فياريت بلاش كلام في حاجات غلط.. كل الشكر للناس اللي انتقدت كلامي ككلام انه شرقي زياده وكل الشكر للناس اللي شايفه اني صح.. صباح الفل عليكم وكل الاحترام لبنت انا مشفتش منها غير كل خير واحترام .. وانا اسف ليكي”.
