طبيب يعتدي على أسرة طفلة بعد أن تسبب لها في نزيف بالبول ( فيديو وصور )

محمد ناصر

اشتكت إلى الله قبل أن تعرض حالة ابنتها على موقع التواصل الاجتماعي “فيس بوك”، كانت البداية عندما تعرضت ابنة رحاب حمدي للتبول اللا إرادي، مما دفعها للذهاب إلى أحد الدكاترة بدمياط ظنا منها أنه دكتور كبير وسوف تتعافى ابنتها على يديه.

كانت الصدمة عندما تضاعف المرض على ابنتها، وتسبب في صديد والتهاب بالمثانة ونزيف حاد للبنت بسبب دواء خاطئ حيث كتب لها الدكتور دواء اكتئاب للبنت ودواء سبترين وشربه للديدان.

واتهمت أم الطفلة السكرتيرة والدكتور “الفاشل السفاح” حسبما وصفته، بالاعتداء عليها وعلى أسرتها وخطف الروشتة منها، قائلة “حسبي الله ونعم الوكيل فيك ربنا ينتقم منك”.

وتساءلت أم الطفلة قائلة: “أيه الصلاحيات اللي ممكن دكتور يعطيها للسكرتيره بتاعته علشان ترفض أو تقبل استقبال الحالات وتشتمهم وتتطاول عليهم بالسب والقذف ولو كنت طولت شويه كانت جابتني من شعري”.

وقالت أم الطفلة: “السكرتيره قبل ما نروح العياده طلبتها بقولها الدكتور بيجي امتي قالت ٩ وتص قولتلها تسعه ونص ولا ١١ لان جايه من مكان بعيد وبنتي تعبانة جدا قالتلي ولو من مكان بعيد تيجي تستني قولتلها لاء بنتي تعبانة متتحملش انتظار قالتلي مش عجبك متجيش قولتلها اسلوبك زفت ومهين زي الدكتور بالظبط قالتلي ميشرفناش أنك تيجي عندنا قولتلها بعد أيه بعد ما عطيتوا بنتي علاج غلط ومش مناسب.. شتمت”.

وأضافت: “إزاي ده دكتور وإزاي ده استقبال لحاله هو مبوظها وطفلة متتحملش ألم وأزاي ميمتصش غضب الناس وزي ما بيقولوا يضحك عليهم بالكلام ويهديهم حتي ويراجع غلطه ده لو معترف فيه اصلا”

https://www.facebook.com/100003227927871/videos/2156115551172688/