الصحة والأسرة
نصائح للتحكم فى الشهية 10
نهى الزينى
ناس كتير بتشتكي من عدم قدرتها في التحكم في شهيتها وبتحس بالجوع بسرعه حتى لو بقالها وقت قليل من اخر وجبة جرب تعمل العشر نقاط دول وشوف الفرق بنفسك.
1- تجنب الوجبات اللي بتحتوي على النشويات بس, لانها بتتهضم بسرعه وهاتجوع بسرعه جدا مثال الرز البطاطس العيش الحاف
الاحسن دايما تكون وجبة متكامله و معاها بروتين . 15 ل 20 ج بروتين كافي لاغلب الناس في الوجبة الواحده .
2-ابدأ الاكل بالبروتين يعني لو بتاكل رز وفراخ ابدأ بالفراخ وبعد كده الرز
3-قسم اكلك على اكبر عدد ممكن من الوجبات يعني ممكن تقسم وجبة فطارك على مرتين و الغدا و العشا نفس الكمية بس متوزعة ممكن توصل ل 6 او 7 وجبات في اليوم هايقلل فترات الجوع بشكل كبير وتحس بالشبع
4-لما تجوع ماتاكلش خس وخيار, لا كل بروتين انت ليك 1 ج بروتين لكل كيلو من وزنك ولحد 1.5 ج يعني لو واحد وزنه 80 كيلو ممكن ياخد لحد 120 ج بروتين دول يعملو 150ج صدور فراخ و علبة تونه و6 بياض بيض وكوباية لبن وعلبة زبادي ولو كلت كل ده مش هاتتخن.
5-كل وجبة لازم تحط معاها الياف , منظمة الصحة العالمية حددت 5 حصص خضروات في اليوم لكل انسان, ونوع يعني بروكولي خس خيار سبانخ كوسة سمسم لوبيا جزر بصل
6- اشرب قهوة بس بعيد عن الوجبات
7- اتاكد ان معندكش نقص في فيتامينات معينه زي دي و سي و الزنك و الحديد و المغناسيوم و الكالسيوم, ممكن تاخد مالتي فيتامين هايعوضلك النقص من اكلك
8-اشرب مايه كتير 3 لتر فما فوق بينظم حركة الامعاء وبيكبح الشهية وبيلغي احساس الجوع الكاذب
9-نام كويس وماتسهرش لان كل ماتسهر كل ماهاتعوز تاكل
10-العب رياضه اي رياضه.