نصائح للمراة فى عمر الثلاثين
نهى الزينى
1- حافظى على صلاتك فى ميعادها هتنظملك يومك و هتهدى أعصابك
2- استخدمي كريم الشمس:
وشك في الخمسينات تجاعيده هتزيد كأنك بسن الـ80 وده بسبب عدم اهتمامك ببشرتك وقلة شرب الماء
3- حوّشي:
ولو جزء صغير، هتحتاجيه
4- وثّقي علاقتك باهلك وباخواتك:
لما تكبري هما بس اللي هيبقوا سندك
5- الرياضة:
ابدأي لعبه معينة او حتى انزلي الجيم يوم في الاسبوع
6- اتعلمي ترضي باللي معاكي:
أهم شيء هو السعادة والرضا باللي ربنا قاسمه ليكي
7- متأخريش حلمك، ابدأي:
حققي حلمك ومتقوليش انا اتأخرت، في عمر الخمسين هتندمي انك ضيعتي حلمك بحجة انك في عمر التلاتين وولادي وبيتك اولى بيّكى
8- نامي :
نامي قبل النوم ما يغلى ويبقى صعب عليكي بسبب المرض او الظروف
9- اهتمي باسنانك:
اغسليها مرتين في اليوم، عشان في سن الخمسين متندميش
10- خليكي فضولية:
اطلعي برة باب البيت، اكسري حاجز ال”بكرة” هعملها متستنيش لبكرة، ابدأي رحلة، سافري، روحي مكان جديد
11- كفاية اكل غير صحي:
كلنا بنحبه وطعمه مختلف بس قرري ان في تلاتيناتك هتقلليله ان اضراره مش هتظهر الا في الخمسين
12- اقرأي على الاقل 10 كتب في السنة:
ومش اي كتب.. اختاري كتب مُفيدة ومسلية، كتب تعلمك وتفيدك سواء في حياتك او في شخصيتك
13-التأمل: ثبتي يوم كل شهر للتأمل والصفاء
14- سافري على قد ما تقدري، وقت ما تقدري:
زي ما بيقول المثل الانجليزي Do it while you can
15- اوقفي مقارنة حياتك بغيرك: في التلاتينات وصحابك اتجوزوا وانتي لسه، اصل هي خلفت وانا لسه. وقفي كل الطاقة السلبية دي لان اللي ربنا كاتبه ليكي هتحصديه، ولما توصلي للخمسين وتكتشفي انك ضيعتي تلاتيناتك في كلام من ده هتزعلي اوي !
16- اكتبي:
لو كنتي من هواه الكتابة، اكتبي ذكرياتك، الحلوة والسيئة، لان الحلوة عيشتيها والسيئة اتعملتي منها !
17- حافظي على اصدقائك مهما بعدت الظرف بينك وبينهم: بس اتأكدي انهم من نوعية الصُحاب اللي يستهلوا
