اخلعوا الاقنعه

شعر سامي القريني

اخلعوا الاقنعه
دنيا عايشنيها بأقنعه
فيه ناس لها
ألف وش وقِناع
كذب تجمل نفاق
جبان وعامل اسد شجاع
خاين بيطعن في ظهرك
قال انه صديق
راح يدعمك
في كل صراع
يحلف ان لقمته فداك
دمه بيجري في دمك
وهو خاين خَدّاع
كل كلامه كدب
كل مواقفه خِدَاع
يصاحب اللي يعاديك
اللي فيه يجيبه فيك
أصل زيها اللي
طالعه لأمها
ماعندهاش أخلاق أو قيم
ولاشرف ولا بتاع
يحلف لك بالغوالي
يقول مقامك عالي
يسهر الليالي
يخططلك للضياع
أصله خسيس
علي أول ناصيه بياع
بدموع كدابه غداره
يقابلك حزين ملتاع
دمك طري علي ايدينه
نظراته بتدينه
عَرضك سيرتك
علي لسانه مَشَاع
أقنعه ببلاش قناع للرجوله
وهو في سوق الرجال
مايسواش بتاع
ماهو مالوش للشرف بتاع
لما بالحقيقه تواجهه
تلقاه تهته وضاع
يلبس قناع التدين
لما بالدين تبين له
تلاقيه توه وماع
موجود في كل شارع
يلبس للوزير قناع
للغفير قناع
للغني قِناع
قناع للفقير
ولصاحب السلطان
عنده الف قِناع
يحرم عليه رزقنا
ومالوش علينا إتباع