fbpx
أكتب

اسطورة الحظ السئ بسبب كسر المرايا

 

عمرك سألت نفسك ليه دايما بيقال إنك لو كسرت مرايه هتعاني سبع سنين من الحظ السيء ؟؟ …

الأسطوره دي وراها قصه بدأت في اليابان سنة 1878 لما شخص طيب إسمه هيروشي قرر إنه يعيش حياته عن طريق إنه يصنع مرايا و زجاجيات و يبيعها لأهل قريته …
كان عايش حياه سعيده خصوصا إنه بيحب شغله جدا و قدر يصنع ثروه صغيره بالتالي عائلته كانت سعيده و كلهم كانوا شاكرين ليه ..
لكن للأسف باقي العائلات في القريه كانت غيرانه من ثروته و نجاحه … و كانوا دايما بيحسوا بالحقد لما يشوفوه سعيد مع عيلته … و بين العائلات دي كان في ساحر إسمه زين ياو … زين قالهم إنهم لو عايزين ينتقموا من هيروشي لازم واحد منهم يشتري مرايه من عنده بعمله ملعونه وبكده مجرد ما هيروشي يبص للمرآه المرآه هتصيبه بلعنه ….
و في النهايه العائلات وافقت علي خطة زين و في خلال الشتاء شاب دخل متجر هيروشي و إشتري منه مرآه بالعمله الملعونه و بالرغم إن هيروشي كان حاسس بشيء غريب في نظرة الشاب إلا إن بسبب طباعه الرافضه للتدخل في شئون الزباين كبر دماغه و خد منه العمله …
و بمجرد ما الشاب مشي قرر هيروشي إنه يقفل المتجر و يستعد للعاصفه .. و بالليل قرر هيروشي إنه يطمن علي المرايا في المخزن علشان يتأكد إن محصلهمش حاجه بسبب العاصفه… و بمجرد ما دخل المخزن حس بضربه علي راسه و شاف شخص مقنع بيشده مجرد ما وقع علي الارض… و بمجرد ما هيروشي فاق من الضربه لقي نفسه متعلق من رجليه و قدامه زين و كام واحد مقنعين و بمجرد ما زين لاحظ إنه فاق أمر رجالته إنهم يضربوه …
و طبعا بعد ما هيروشي عاني من الالم حاول يسئل عن سبب الي بيحصل لكنه ادرك إن زين كاتم فمه عن طريق قطعة قماش … فجأه زين إبتسم و صحب مرايه ضخمه و حطها قدام هيروشي و مجرد ما هيروشي شاف نفسه في المرايه بدأت اللعنه و معاها العذاب …
إيدين هيروشي بدأت تتحرك لوحدها و تلف حوالين نفسها بشكل يخلي العظام تتحطم و هيروشي بيحاول يصرخ من كمية الالم الرهيب و هنا كان واضح إن زين بيستمتع بعذابه فشال القماش من فمه و بدأ يسمع صراخه من الالم في حين إن رجليه بدأت تلف حوالين نفسها و حظامه تتحطم و عضلاته تتمزق …
و مع إن المفروض هيروشي كان يموت من كمية الدم الي فقدها او علي الاقل يفقد الوعي لكن بسبب سحر زين إستمر وعيه و بالتالي عذابه لغاية لما زين في النهايه حطم المرايه وبعدها بأت رقبة هيروشي تلف لغاية لما كملت 360 درجه و هنا كانت إنتهي تماما و مات …
و بسبب اللعنه الي أطلقها زين علي هيروشي يقال إن روحه لسه بتسكن عالم المرايا و إنك لو كسرت مرايه لعنته هتطاردك بسوء الحظ لمدة سبع سنين و لو كسرت مرايه تانيه في نفس المده هيروشي هيخطفك لعالمه و هناك هيعذبك زي ما هو إتعذب للأبد …

زر الذهاب إلى الأعلى