الصحة والأسرة
اسهل طريقة لعمل كريم كراميل فى البيت
نهى الزينى
كوب اللبن بياخد 2 بيضة ومعلقة ونص كبيرة سكر ونص معلقة صغيرة كاستر فانليا ورشة فانليا وبشر جزء من ليمونة او برتقالة عشان نقضى نهائى ع ريحة البيض وفالخلاط ونصبهم فى القالب اللى سبق رشة بالكراميل .ونحطه فى حمام مايه . انا بغطى القالب بورق المونيوم عشان يستوى بسرعة وميعملش طبقة ناشفه
وبدخله الفرن ع اعلى درجة ..ممكن ع البوتجاز بس نزود ميه كل ماتنشف بياخد نص ساعة ..وبعرف انه استوى بدخل سكينة لو طلعت نضيفه
ونقلبه بعد مايهده ويدخل التلاجة ويقدم بارد وبالهنا
*لعمل الكراميل . ربع كوب سكر عالنار و 2 معلقة كبيرة ماء و2 نقطة ليمون ويغلى لحد ماياخد اللون الدهبى الغامق او بنى فاتح بس ناخد بالنا ميوصلش للبنى الغامق عشان ميبقاش مر
