السيسي للشباب:”أناداعم ليكم حتى لو أفكاركم نتائجها خطأ”
وجه الرئيس عبد الفتاح السيسي ، رساله للشباب قائلا :” أنا داعم لأي فكرة انتوا بتقولولها حتى لو النتائج بتاعتها كانت خطأ، لأن إحنا هنتعلم من أخطاءنا بعد كده، وأنا داعم ليكم ولأفكاركم، وإن شاء الله هنشوف الكلام ده في التوصيات النهائية للمؤتمر”.
وأعرب الرئيس خلال كلمته في الجلسة الأولى بعنوان “تفعيل الحياة الحزبية” بالمؤتمر الدوري الرابع للشباب، عن تأييده لمطالبات الشباب بانجاز الانتخابات المحلية ،قائلا:” أضم صوتي إلى صوت الشباب بضرورة إنجاز انتخابات المحليات، والكلام ده كان المفروض السنة اللى فاتت، لكن بصراحة الدستور الجديد يتطلب تشريعات جديدة، وبقت تتحط أولويات ضاغطة على البرلمان، وفي حجم ضخم جدا من القوانين تم إصدارها الفترة اللى فاتت عشان تتواكب مع الدستور الجديد”.
وتابع الرئيس :”اني بقول، إذا كنا عاوزين نحارب فساد بجد وعاوزين نمكن شباب بجد، ونطمن على إن في أساس موجود في كل مصر، لازم الموضوع ده يتم إنجازه بسرعه ونعلن معاد للشباب، واوعوا تختارو غير الأفضل ليكو ولبلدكم”.
