بالفيديو.. عمرو دياب يغضب مُحبيه بسبب “قال فاكرينك”: والأخير يرد:كان بيهزر

كتبت – إيمان رضوان

تداول رواد مواقع التواصل الإجتماعي المختلفة فيديو للمطرب عمرو دياب، يهاجم أحد محبيه ويدعى عمرو رؤوف خلال الحفل الذي أقيم بجامعة مصر الدولية، وذلك بعد مطالبته للهضبة أكثر من مرة غناء “قال فاكرينك”.

وقال الهضبة في لهجة حادة: “والله ما هقولها، أنت لو قعدت 100 سنة تطلبها والله ما هقولها، أنت هتمشيني على مزاجك، مش عاوزها، أنت غريب أوي.. لو كنت عاوزها كنت نزلتها في الألبوم، وأنا مش عاوزها، مزاجي مش عاجبك متسمعنيش”.

بينما حرص “رؤوف” على توضيح سوء التفاهم الذي حدث خلال الحفله، قائلًا ” مساء الخير عليكو جميعاً.. بناءاً على طلب ادمن الجروب بحب اوضح اللي حصل في الحفلة”.

وتابع “كان بيغني عادي جدا وصرخت 3 مرات غني قال فاكرينك وهو جات عينه في عيني وضحك ولما قولتها المرة الرابعة ضحك وقالي الكلام ده وهو بيضحك وبيهزر ولما شفته بيتكلم وهو بيضحك وبيهزر ضحكت وشافني لما ضحكت وعرف اني مزعلتش.. بتمنى من الجميع محدش يزعل منه بس الفيديو مش واضح هو بيضحك ولا مكشر.. شكرا”.