برلمانية: “أنا ضد تحديد مواعيد غلق القهاوي والكافيهات”
كتبت – إيمان حسن:
قالت النائبة أمل زكريا، عضو لجنة الإدارة المحلية: “أنا ضد تحديد مواعيد غلق القهاوي والكافيهات، لإنها فاتحة بيوت ناس كتير، ومفيش فرص عمل متوفرة ليهم، ولو قفلت القهوة الساعة 12 بالليل الغرزة هتقعد شغالة للصبح”.
جاء ذلك خلال اجتماع لجنة الإدارة المحلية بمجلس النواب اليوم الاثنين، برئاسة المهندس أحمد السجيني، لمناقشة طلب الإحاطة المقدم من النائب سمير البطيخي، بشأن ضرورة تحديد مواعيد لفتح وغلق المحال العامة عدا الصيدليات والمحال الحاصلة على رخصة من وزارة السياحة.
وتابعت “زكريا”: “الشيشة رغم إني مش بحبها لكنها حاليا بقت مش منكر، الشيشة أخف وأهون من حاجات كتير تاني وبلاوي بتحصل”.
من جانبها قالت النائبة سلوي أبو الوفا، عضو اللجنة: “لازم يتحدد للمحال والقهاوي والكافيهات مواعيد للفتح والغلق، القهاوي بيحصل فيها كل المنكر وبلاوي كتيرة، وناس معاها سنج ومطاوي، لازم القانون يطبق، ولابد في قانون المحال التجارية الجديد يتنص علي تحديد مساحة معينة بين الكافيهات والمقاهي، علي الأقل 50 متر، حاليا كل 5 متر تلاقي قهوة”.
