تامر أمين إلى تركي آل الشيخ: شجع النادي الأهلي دون الإسقاط على الأندية الأخرى.. ده ممكن يعمل فتنة

نهلة الوزير

علق الإعلامي تامر أمين، على زيارة رئيس الهيئة العامة للترفيه في السعودية، تركي آل الشيخ، إلى منزل الكابتن محمود الخطيب، مشيدًا بعودة العلاقات بين الطرفين.

وأضاف “أمين”، خلال تقديمه برنامج “آخر النهار”، المذاع عبر فضائية “النهار”، مساء اليوم الاثنين: “الصور رائعة وحبك للنادي الأهلي رائع، لكن لي لمسة عتاب للمستشار تركي آل الشيخ، أنا معجبنيش البوست اللي كتبته النهارده الصبح، كان فيه إسقاط على نادي آخر”.

وتابع: “شجع النادي اللي بتشجعه حقك جدًا وادعمه ماليا ومعنويا حقك جدًا، لكن ملناش دعوة بالأندية الأخرى، خصوصًا اليومين دول مفيش كورة ومفيش منافسة، ده ممكن يعمل شحن وفتنة وغضب عند الجماهير إحنا مش في حاجة ليها، حب بس وادعم بس، هذا رأيي والله أعلى”.