تامر حبيب يكشف الحالة الصحية للفنانة رجاء الجداوى

محمد ناصر 

نفى السيناريست تامر حبيب ما تردد على لسان البعض حول تدهور الحالة الصحية للنجمة الكبيرة والقديرة رجاء الجداوي، مؤكدين أنها أصيبت بجلطة في المُخ الأمر الذي ترك لديها أثر وصل إلى وجود إعاقة في الحركة.

وقال حبيب في تدوينة نشرها على فيس بوك، “ذكرت قليل من الصحف و المصادر الصحفية ان الأستاذة الجميلة وأمي الثانية رجاء الجداوي قد أصيبت بعد ألف شر بجلطة في المخ و ان هذه الإصابة قد تركت لديها أثراً ضخماً مش عايز حتى أقوله علشان مافولش على الست اللي هي الحمد لله زي الفل.

وأكد تامر: “الكلام ده ليس له أي أساس من الصحة، كل اللي حصل انها تعبت تعب بسيط بسبب مجهود الصيام والسفر في اليومين اللي فاتوا وعلى أثره عملت check up والحمد لله كل وظائفها سليمة و مافيهاش أي حاجة تقلق، ومدخلتش العناية المركزة ولا حتي خمس دقايق كما ذُكر”.

وطلب حبيب من مُتابعيه قائلًا: “كفاية والنبي بقي، و تبينوا تبينوا تبينوا انا في عرض دين النبي علشان الأخبار دي بجد مؤذية و مؤلمة و هي اللي ممكن تأثر على صحة الناس بالسلب… ويا رب دايماً في احسن صحة و زي الفل يا جوجا يا حبيبتي”.