رسائل الرئيس عبدالفتاح السيسي على ضفة القناة “تعويم السفينة الجانحة الأبرز .. وقطار سوهاج فتح باب الحديث عن تطوير السكك الحديد

عكس حديث الرئيس عبدالفتاح السيسي اليوم في هيئة قناة السويس ما يدور في أذهان ووجدان المصريين من الفرحة بتعويم السفينة الجانحة بأيادي مصرية، في مشهد أبهر العالم، وأكد على قوة الدولة المصرية وأهمية قناة السويس المحورية على مستوى العالم.

وفي هذا التقرير نرصد أبرز تصريحات الرئيس عبدالفتاح السيسي خلال حديثه اليوم

قناة السويس قادرة وباقية

أكد الرئيس عبد الفتاح السيسي، أن قناة السويس قادرة وباقية ومنافسة، موجها الشكر إلى العاملين فى قناة السويس على الجهد الذى بذلوه من أجل تعويم السفينة الجانحة.

وأضاف الرئيس السيسي ، قائلا: “بشكركم على الجهد اللى اتعمل وعلى الدور اللى عملتوه.. وكل الشكر لكم.. منظر محترم يدل على خبرات وقدرات كبيرة.. والأداء كان أكثر من مشرف”.

الشكر لجميع الدول الأشقاء

تقدم الرئيس عبدالفتاح السيسي ، بالشكر لجميع الدول الشقيقة التي عرضت المساعدة في حل أزمة السفينة الجانحة، مشددا على أن النجاح كفيل أى إرادة من أجل البناء والتنمية والتعمير.

وقال الرئيس السيسي ردا على سؤال حول التحقيق في الحادث: دعونا لا نقفز على الأحداث فيما يخص التحقيقات وما إلى ذلك، هذا الأمر بتركه لهيئة قناة السويس ولن اتدخل فيه.. لكن كل الأسئلة المحيطة بالحادث ستكون محل تحقيق متعمق من الفنيين للوصول إلى أسباب الحادث.. لأنه موضوع فنى وقانوني مش عاوز أتدخل فيه”.

وعن شعوره خلال الأزمة، أضاف الرئيس: “أى أزمة تتعرض لها مصر بيكون لها تأثير صعب علينا كلنا لان دي بلدنا.. قلت للفريق أسامة ربيع انت واللى المجموعة اللى معاك سمعة مصر في رقابتك.. الدنيا كانت محدش كان حاسس بينا ، ولما حصلت الازمة الدنيا كلها بتتكلم.. كان فيه اتصال كنت عارف إن موضوع المد والحذر سيكون عامل حاسم في نجاح جهد تكريك الجانبيين الغربي والشرقي لوصول المياه الى جسم السفينة بالكامل، مضيفا: “أصعب سيناريو هو تخفيف الحمولة وقلنا نجهز نفسنا ليه ومش مهم التكلفة.

 

حادث قطاري سوهاج

تطرق الرئيس عبد الفتاح السيسى، إلى حادث تصادم قطارى سوهاج، قائلا: “حادثة القطر اللى وجعتنا كلنا.. ولكن هي عاملة زى ما كلنا بنودب بيوتنا.. وساعات بنودب بيت جديد.. واللى بيكون قاعد في شقته وبيودبه غير اللى بيكون بيودب بيت جديد.. والالفين كيلو بتوع القطار السريع محدش هحس بيهم”.

وأضاف الرئيس السيسى “التطوير على الشبكة القديمة بنعملهم في نفس الوقت عاوز الناس تتحرك على السكة الحديد.. مش تقدر تقول للناس استحملوا لحد لما نخلص.. ولما نعمل ده هيحصل تأخير.. لازم نستحمل.. البديل ايه.. انا بوضح ليكم.. الأنظمة الحديثة قادرة على التأمين في السكة الحديد.. والحتت اللى مش اتطورت العامل البشرى لسه بيدخل وممكن يحصل مشكلة”.

تطوير السكك الحديد

وتابع الرئيس السيسى: “لدينا خيارات للتعامل مع تطوير السكة الحديد بشكلها الحالى.. أما التوقف النهائي أو التوقف النسبى أو تفضل زى ما هي ونتحمل الخسائر.. مش أقدر اتحمل الخسائر.. ساعة لما المشروع بشكل كامل يخلص أسالني مسألة سياسية وفنية لما المشروع يخلص.. ومشروع النقل يتكلف 100 مليار دولار .. في كام سنة يا جماعة.. نحط ده .. احنا حاجة حلوة أوى بفضل الله”.