شاهد..رسالة سما المصري لـ محمد رمضان
علقت الفنانة سما المصري، علي استعراض استعراض الفنان محمد رمضان لسياراته الباهظة الثمن خلال مقطع فيديو، وذلك عبر حسابها الرسمي علي موقع تبادل الصور والفيديوهات الشهير “انستجرام”.
وكتبت “المصري” في تدوينة عبر صفحتها قائلة ” بص يامحمد انت نجم ونجم كبير مش صغير والناس بتحبك عشان انت فعلا تعبت والشباب نفسها تبقي زيك في كفاحك ونجوميتك وجمهورك من الغلابه اللي شايفينك قدوه ليهم بلاش تجرح مشاعر الغلابه دول وكل بتصويرك كل شويه للعربيات اللي عندك”.
وتابعت”ربنا يديك اكتر واكتر عربيات وفيلل وكل حاجه حلوه انت تعبت وتستاهل بس راعي ظروف الشباب الغلبان اللي بيحبك انهم ياعيني ظروفهم مش مساعداهم انهم حتي يتجوزوا بسبب ظروف البلد…خليك دايما واحد منهم حته منهم ذي ماهم شايفينك دايما”.
وأضافت “وياسيدي داري علي شمعتك تقيد…في ناس بتحقد كتير وعينها وحشه والناس التانيه غلابه ونفسهم في لقمه عيش حاف خاف علي مشاعرهم شويه انا عارفه انك تتمني لكل الناس الخير وبتحب جمهورك ومش قصدك تجرحه بس الغلابه مابيحسبوهاش كده”.
واستكملت حديثها قائلة “خليك دايما عندهم اسطوره بفنك مش اسطوره بعربياتك.. انت جدع وابن بلد وربنا هيديك من خيره اكتر واكتر بس خلي بالك من الغلابه وظروفهم والشباب التعبانه اللي نفسها تفرح ومش عارفه…ربنا معاك”.
