عشان يستمر “الحب”
بقلم _ الإعلامية
هويدا سراج
الحب هو قيمه كل زمان،أن لم أكن اعرف بأن بدايه الدنيا لديك وان آخرها إليك وان،الحب لي سحره في كل زمان وفي بداياته، لكن ازاي نحافظ على الحب دا انه يعيش ويستمر حتي نهاية العمر .
“الحب” ممكن يبتدي بدون أسباب وممكن يجي صدفه ، بس المهم انه لما نلاقي الحب لازم نحافظ عليه ويستمر بنفس الدرجه اللي بتبان جمالها في البدايات “الحب” .
في (عقد) بين طرفين بيمضوا علية الاتنين لما يقولوا كلمة بحبك !، عقد مبني علي الثقه عشان يستمر “الحب” لازم (نقبل بعض) زي ما احنا بعيوبنا ومُميزاتنا نحب بعض واحنا في أجمل وأسعد حالاتنا وفي أسوء وأفظع حالاتنا ونفهم إن “الحب” مش معناه اننا نرسم صورة علي مزاجنا للشخص التاني ونجبره يبقي شبها او يبقي شبهنا احنا شخصياً.
عشان يستمر “الحب” دة لازم (نبقي أصحاب) ونبعد نهائي عن الشكل المريض بتاع علاقاتنا هنا وهو إن في شخص يبقي تابع للتاني او يبقي فينا طرف هو اللي مسيطر، عشان يستمر “الحب” لازم (نسمع بعض) ونفهم لغة بعض وكمان نخلق لغة تفاهم لينا لوحدنا ممكن تبقي بنظرة او بكلمة او حتي بلمسة وإنك (تسمع) اللي بتحبه وتفهمة وتشاركة مشاعرة وأفكارة حتي فى أحاسيسة هي دي قمة حبك وأهتمامك لحبيبك .
وعشان يستمر “الحب” لازم نسيب لبعض مساحات مينفعش نخنق بعض ، وهو مش امتلاك ومين الاقوي فى العلاقة لازم نستوعب و إن كل واحد لي حياته من قبل مايعرف الطرف التاني وطبيعي يكون عنده أصحاب وشغل وأهل وإهتمامات ومسئوليات في الحياة تانية -راجل او ست- وعلي الشخصين إنهم يحترموا دة ويقبلوه عشان يستمر “الحب”
ولازم نبقي مصدر للعطاء لأن وارد حد مننا في وقت يوقع ويبقي معندوش حاجة يديها للثاني مؤقتاً ،وكل طرف يحاول يملا من جديد الطرف الاخر.
وعلشان يستمر الحب ويفضل زي ما هو لازم نؤمن بفكرة (الخصوصية) حتي لو متجوزين ونحترمها ونبقي واثقين في بعض ، اخلقو من وقتكم جلسه للفضفضة؛ولازم نبقى عارفين حقوقنا واجباتنا مسؤلياتنا كلها و (ماتحطوش شروط) للحب زي ما بنعمل مع الأطفال الصغيرين “أعمل دة عشان أحبك” “إتصرف كدة عشان تثبتلي أنك بتحبني” ..، عشان يستمر “الحب” توقعوا (إنكم هاتتغيروا وهاتكبروا وهاتنضجوا خلوها مراحل بتعيشوها سوا أقبلوها وأحترموها وحبوها وشيلوا مسئولية علاقتكم للأخر، و لازم علاقاتنا تمر بأختبارات ومواقف تقيس (درجة الحب) بينا وقوته وحقيقته وقتها بيبان هل الحب دا قوي ولا هش قابل للكسر وديما بيبان في لحظات الزعل والخناق والأختلاف او المواقف الكبيرة .
ولازم (نعبر عن مشاعرنا) بصراحة في كل حالاتنا في الزعل والحب في السعادة والحزن وعلي كل طرف إنه يقبل مشاعر التاني ويفهمها ويحتويها عشان ده واجبه، وأهتموا بالمشاعر ماسكة الأيد والحضن والطبطبة ربنا وضع لنا فيهم سحر إنساني بين البني أدمين وبعضهم عشان نستخدمها ونقرب من بعض، و بلاش الدنيا تاخدكم من بعض بحجج الشغل والاولاد عشان ؛وحافظوا علي الرومانسية ؛ الحب ملهوش سن ولا وقت وأكسروا الملل والروتين، عشان.
وحافظوا علي الذكريات وجددوها وأهتموا بكل حاجه بينكم؛ أخطفوا الأوقات الحلوة اللي تقدروا تخطفوها من وسط حياتنا الصعبة اللي كتير بتبقي مُمله وفيها حزن ووجع وتعب؛ من فضلكم قدروا اللحظات الحلوة وأفهموا إن السعادة والمشاعر الحقيقية والحب اللي بجد دي مبيتعوضش سيأتي وقت تكون الأموال والنجاح َوالمناصب بلاقيمه وسيبقى الحب هو قيمه كل زمان حافظوا على الحب واجعلوه يستمر الي الأبد .
