fbpx
الصحة والأسرة

فوائد فيتامين B‎

فيتامين B مش مجرد فيتامين واحد دي مجموعه وبيطلق عليها مجموعه فيتامين B المركب وهي مهمه جدا لانها تحافظ علي صحه الخلايا والطاقه كمان ونقصها من الجسم بيؤدي لمشاكل صحيه كتير ولان مجموعه فيتامين B كتيره وكل فيتامين بيعمل بشكل مختلف و ليه اهميه مختلفه ومصادر مختلفه فهنتكلم عن كل فيتامين بشكل منفصل
* فيتامين B12
بيعمل علي ضبط عمل الجهاز العصبي في الجسم وليه دور كمان في النمو وتكوين خلايا  الدم الحمراء
فيتامين B12 بيكون موجود في اللحوم والالبان والبيض  علشان كدا النباتيين دايما معرضون لنقصه في جسمهم
نقص فيتامين B12 بيعمل فقر دم وبنكون عرضه لامراض نفسيه زي الخرف والاكتئاب ومشاكل سلوكيه كمان
* اعراض نقص فيتامين B12
 تنميل في الرأس والايدين – تعب شديد وارهاق – الشعور بالاكتئاب – ضعف عام
* فيتامين B 9 ( حمض الفوليك )
يعزز من نمو خلايا الدم الحمراء وكمان بيمنع التشوهات الخلقيه اللي ممكن تحصل للجنين اثناء فتره الحمل علشان كدا لازم المرأه الحامل تاخد اقراص حمض الفوليك في الشهور الاولي من الحمل
موجود في اللحوم الحمراء والحبوب الكامله والحمضيات والاسماك والبقوليات والخضروات الورقيه والكبده والكلاوي
* اعراض نقص فيتامين B9
الاسهال – فقر الدم – ممكن خلال الحمل يولد اطفال عندهم عيوب خلقيه .
بواسطة
نهى الزينى
زر الذهاب إلى الأعلى