قارئ يسأل طبيب الديوان : هل هناك قسطرة شرايين القلب بدون ألم ؟!
الديوان
سأل القارئ مصطفي إبراهيم من الغربية ،طيب جريدة الديوان ، هل هناك قسطرة شرايين القلب بدون ألم، وخصوصا أننا طول عمرنا نسمع عن ولادة بدون ألم انما موضوع القسطًرة ده جديد ؟.
أجاب الدكتور محمود سليمان، إستشاري القلب ،والقسطرة ،وعضوٍ الجمعية الاوربية لأمراض القلب ،قائلاً “:- أشرح لحضرتك انت هتحس باه وقت ما هتعمل القسطرة علي شرايين القلب .
وأوضح الدكتور محمود سليمان ، وانت بتعمل القسطرة بتحس بشكة إبرة وده فيها بنج موضعي بعدة بتحس بتنميل بسيط في فخذك او عند اليد حسب الدكتور حيعمل القسطرة منين بعدها بنركب المدخل وده في الغالب مبتحسش بوجع والدكتور بيركبه علشان المخدر الموضعي .
وأضاف طبيب الديوان ، أما حركة القسطرة وهي مشيه في الأوعية الدموية لتصل الي قلب ممكن تحس معاها بضغط بسيط ولكن مفيش وجع او اَي نوع من الألم .
وقال طبيب الديوان ، إنه مع حقنة الصبغة علشان نصور الشرايين التاجيه احيانا بتحس بدڤئ او سخونه وده حوالي ٢٠ ثانيه وبيروح بسرعة ويختفي ، وعلشان الموضوع فعلا بسيط و مفهوش ألم بيكون مشكلة المريض دائما انه حاس بالبرد وده لان درجة حرارة غرفة القسطرة منخفضة علشان الأجهزة .
