الصحة والأسرة
كيفية تعقيم ادوات المطبخ
الليفة
بالنسبه لليفة المواعين يوميا حطيها في ماء وملح لتاني يوم
وشوفي الميه اللي حتنزل منها سودااااء
دي ميكروبات وفيروسات وبقايا الاكل لازم تتخلصي منها يوميا ياقمر ست البيت الشطورة
بالنسبه لليفة الاستحمام
بعد كل استخدام اشطفيها بديتول مخفف لتعقيمها وتطهيرها ضروري وبالاخص لو افراد الاسره مشتركين في ليفه واحده
قطاعة الخضار ( اللي بنقطع عليها الخضار)
بالنسبه للقطاعه بنقطع عليها لحمه وبعديها بصل وبعديها بطاطس ولو فكرتي تتغسل يبقي تدعكيها وتسيبيها تتصفي ودي كااااارثه انتي منظفتيهاش بطريقه صحيحه
حقولك ازاي تنظيفها وتعقميها وتطهريها
بعد الاستخدام هاتي
ملح ليمون+خل+ليفة مواعين
ادعكيها بالخلطه وسيبيها عليها شويه وبعدين اشطفيها وبعدين نشفيها لازم تنشفيها كويس وبعدين حطيها تحت الشمس في البلكونه
ودي افضل واصح طريقه
وكمان حتلاقي القطاعه رجعة جديده وزي الفل
الملاعق الخشب
بيدخل جواها بقايا الاكل في مسام الخشب واحنا بنغسلها بس
لازم تغسليها لو معندكيش الخلطه السابقه
اغسليها بالخلطه السابقه واشطفيها وسيبيها في الشمس
ولو مفيش الخلطه اغسليهم بخل وسيبيهم في الشمس وكده حيبقوا ولا انظف ولا اعقم ولا احلي
