كيف تتعرفى على نوع بشرتك ؟؟
اولا البشرة بتنقسم لخمس انواع
١ – البشرة العادية
٢ – البشرة المركبة او المختلطة يعنى (بيكون فيها جزء جاف و جزء دهنى)
٣ – البشرة الدهنية
٤ – البشرة الحساسة
٥ – البشرة الجافة
طيب هعرف ازاى بقا انا انهى نوع من الخمس انواع دول ؟؟
هنعمل التجربة البسيطة دى
هتغسلي وشك براحة وتشيلى اى ميكب من عليها وتنضفيها كويس جدااا من اى اتربة ومن اى حاجه وتستنى ٦٠ دقيقة بالظبط متحطيش اى حاجه
بعد ال ٦٠ دقيقة هتجيبي منديل و تاخدى منه طبقة واحدة بس و تحطيه ع بشرتك كله وتطبطبي ع بشرتك كده وهو محطوط عليها هتتبطبي لمدة ٣ دقايق ع جميع اتجاهات البشرة فوق وتحت يمين وشمال الانف وجوانب الانف
بعد ما تشيلي المنديل بقا لو لقيتى في المنديل
مادة دهنية كده مطرح الجبهة والانف والدقن وباقي المنديل ناشف كده انتى بشرتك مختلطة او مركبة
لو لقيتى المنديل كله مادة دهنية كده يبقا كده بشرتك دهنية
طيب لو ملقتيش حاجه خالص في المنديل هيبقا عندك ٣ حاجات يا
حساسه
يا جافة
يا عادية
بتعرفي اذا كانت بشرتك جافة ولا لا من ملمس ايدك
والحساسه مبتستحملش اى حاجه خالص ع البشرة ومن اقل حاجه بيطلعلها حبوب
البشرة العادية بقا مفهاش اى حاجه ولا حبوب ولا بثور ولا اى عيوب وكمان بتتميز انها مش حساسة و مساماتها صغيرة وتكاد تكون اصلا مش موجودة ومتألّقة ونضرة دايما
