الصحة والأسرة
كيف تعتنى بقدمك فى البيت
1- عمل سنفرة للقدمين مرتين بالاسبوع لازالة الخلايا والجلد الميت وتنعيمهم تتكون من
ملعقة فازلين + سكر اخلطيهم جيدا وضعيهم ع القدم كلها و كعب القدم واتركيها لمدة 10 دقائق ثم قومى بعد 10 دقائق بفرك وش القدم باليدين جيدا وتستخدمى مبرد كعب القدم او الحجر الخفاف لفرك كعب القدم
ثم تشطفى بالماء البارد ثم تنشفى قدمك بمنشفة جيدا وبين الاصابع
او عمل السنفرة دى برضوا
عبارة عن ملح + سكر بنسب متساوية + ليمون وتقلبيهم جيدا وتضعيهم على كل ظفر باستخدام فرشة اسنان قديمة وتفرشى كل ظفر بالسكرب ده وتسبيه لمدة 10 دقائق ع الظفر ثم تشطفى اظافرك بالماء
ملحوظة هاااامة السكرب ده ينفع تعمليه للايدى والارجل والأظافر والجسم وللبشرة الدهنيه والمختلطة فقط وبتحسى بالفرق من اول استخدام والله تسبيه ع الايدى والأظافر لمده 10 دقائق وع الجسم لمدة من ربع الى نص ساعه وع البشرة الدهنيه والمختلطه لمدة 10 دقائق ممكن تجبيه كتجربة على يد واحدة فقط وحتحسى بالفرق مزايا سنفرة الملح والسكر والليمون ازالة الجلد الميت وتنعيم وتفتيح
2- للتنعيم والتفتيح تضعى فى علبة جلسرين+ ليمون بنسب متساوية دوون التعرض للشمس لان الجلسرين والليمون لو اتعرضوا للشمس بيغمقوا والجلسرين لو استخدم لوحده بيغمق خلى بالكوا وتدعكى بها القدم كلها ماعدا كعب القدم
ولكعب القدم عليكى بالاتى
لاحمرار ونعومة كعب القدم
المقادير :
فازلين ممكن طبى بس يفضل من العطار + زيت زيتون + دم الغزال من العطار عبارة عن بودرة + علبة صغيرة
الطريقة:
تجيبى ملعقة فازلين كبيرة وتسيحها ع النار هادئة ولما تسيح تضعى ملعقة زيت زيتون + رشة دم غزال وتقلبيهم جيدا ثم تضعيهم فى العلبة الصغيرة شوية وحتلاقى الفازلين تماسك تستخدميه ع كعب الرجل يوميا وتلبسى كيس وفوق الكيس شراب لمدة ساعة وبعدين تقلعيه او تنامى بيه وتخلعيه صباحا
3- لكعب القدم الذى به تشققات
عليكى القيام بالأتى :
كريم لحماية القدم من التشقق
رجاءا لا تهملى قدمك وخصوصا كعب القدم عشان لم يوصل لدرجة التشقق
المقادير:
ملعقة كبيرة خميرة+ ملعقة كبيرة فازلين+ 3 ملاعق كبيرة عصير الليمون+ ملح خشن الطريقة: يمزج الخميرة مع الفازلين مع الليمون وتوضع ع كعب القدم مكان التشققات ثم تقومى بعمل المساج لكعب القدم لمدة ربع ساعه وتلبسى بعد كده كيس وفوق الكيس شراب لمده ربع ساعه ثم بعد الربع ساعة تنقعى قدمك فى اقصى مياه سخنه ثم ترفعى كل قدم وتضعى ع الكعب ملح خشن لتفركى كعب قدمك بها بالحجر الخفاف ثم تغسلى قدمك بالماء والصابون او الشاور جيل وتنشفيها جيدا وتضعى مرطب على القدم كلها ….مرة فالاسبووع
