fbpx
اخترنا لكالصحة والأسرة

ماذا تفعلى لو ابنك شرب كلور او اى منظف فى البيت؟

نهى الزينى

لو إبنك شرب كلور أو كلوريكس أو فنيك

أو بوتاس أو صودا كاوية أو أى منظف في البيت…… تعمل ايه بسرعه لحد ما تروح لأقرب مركز لعلاج السموم

أولا : ممنوع‬ تماما تخليه يرجع
غصب عنه .. يعنى ممنوع تشربه ماية بملح أو لبن ببيض أو تدوس على لسانه علشان يرجع او تديه فحم او تعمل له غسيل معده…

علشان كده بنعرض المرىء والبلعوم والفم للمادة الكاويه دى تانى يعنى بنضره اكتر …
وكمان ممكن تدخل الماده الكاوية دى فى مجرى الهوا وتؤدى بعد ذلك الى إلتهاب رئوى .. .

ثانيا : شربه فنجان ‫‏لبن‬ وبس (بدون مياة)

طيب ليه لبن مينفعش مياه

مينفعش مياه علشان المواد الكاوية دى ممكن تكون حمض “acid” أو قلوى “alkaline” .. وممكن تتفاعل مع المياه داخل المعدة وينتج عن التفاعل ده حرارة عالية تزود المشكلة.. وتدمر انسجة المعده اكثر واكثر ….

وهما شوية اللبن الصغيرين دول هيعملوا ايه
هيخففوا شوية من تركيز المادة إلى شربها .. ولو فيه حاجة واقفة فى فمه او البلعوم او المرئ هيحركوها للمعدة.

طيب ليه شوية صغيرين مش نصف كيلو لبن مثلا
علشان ما يحصلش قئ ..وقلنا قبل كده ان احداث قئ فى هذه الحالات خطير جداااا….

ثالثا : هو ينفع نعادل الماده اللى شربها الطفل يعنى لو هو شارب حمض أديله قلوى أو العكس علشان أقلل مفعولها

طبعا غلط لان هينتج عن ده تفاعل كيميائي وده هيسبب حرارة عالية تعمل تدمير الانسجة……

رابعاً : نقل الطفل للهواء النقى علشان يقدر يتنفس.

خامسا : لو المادة الكاويه وقعت على هدومة يقلعها ونغسل جسمه🧖‍

سادساً : لو المادة دى وقعت على عينة👁👁
نغسلها كويس جدا بالمياه لمدة ربع ساعة

وبسرعه نذهب لأقرب مركز سموم لسرعة اتخاذ الاجراءات الطبيه الازمه للطفل حسب حالته وحسب مدى سمية الماده وحسب الكميه اللى اخذها وحسب المدة اللى اتأخر فيها…..
وطبعا لازم تاخد معاك زجاجة المادة التى شرب منها الطفل….للتعرف على المادة وتحديد كيفية العلاج بسرعة…

زر الذهاب إلى الأعلى