«معملتش حاجة غلط.. وإمام عاشور كان موجود».. أول رد من فتوح بشأن أزمة الساحل الشمالي.. محمد فاروق يكشف
كشف محمد فاروق، نجم الأهلي السابق، عن كواليس حديثه مع أحمد فتوح، نجم الفريق الأول لكرة القدم بنادي الزمالك، على خلفية أزمته الأخيرة بحضوره حفل المطرب راغب علامة في الساحل الشمالي.
وكان جون إدوارد المدير الرياضي لنادي الزمالك، قرر بعد التشاور مع عبدالناصر محمد مدير الكرة، تغريم أحمد فتوح مبلغ مليون جنيه، وإيقاف مستحقاته وتحويله للتحقيق نظرًا لما بدر منه بالظهور في إحدى المناسبات العامة دون الحصول على إذن.
وقال محمد فاروق، في تصريحات عبر إذاعة «أون سبورت اف ام»: «أنا كنت مع فتوح، امبارح بكلمه بالصدفة كان صديق قاعد جنبه، قولتله (أحمد إنت لعيب كويس، ربنا نجاك من موقف قبل كده، لازم تاخد بالك من تصرفاتك)، بيقولي (أنا بس اللي باين، ما إمام عاشور، موجود، ليه أنا بس اللي بتهاجم».
وأضاف: «فتوح قالي (أنا رايح عادي، ومفيش أي مشكلة مفيش حاجة بعملها غلط، زيي زي نجوم كتيرة كانت موجودة في الحفل ومشاهير موجودين في الحدث، الناس ليه اختاروني أنا مع إن في ناس كتيرة موجودة!».
وتابع: «المبدأ عند أحمد فتوح، أنه شايف إن الناس مستقصداه»، مضيفًا: «نصيحتي لأحمد فتوح، أنه لازم يبقى ملتزم ميعملش أي تصرف يسيئ ليه حتى لو بيعمله بحسن نيه، لأنه في نهاية بيمثل نادي كبير».
