نصائح ذهبية لست البيت
كل لتر صابون سائل [أي نوع] هتضيفي عليه الخلطة دي (دوبيها ف طبق عميق الاول) ..
ملعقة كبيرة ملح
ملعقة كبيرة كربوناتو
ربع لتر ماء
نص كوب خل
.
قلبي كويس الميه مع الملح والكربوناتو ولما تدوب حطي الخل هتفور متتخضيش
انزلي بيهم ع الصابون ورجي كويس لغاية ميختلطوا .. هتلاقي اللون بقى فاتح .. سيبيه كده يوم .. وقلبي كل شوية .. هيتقل ويرجع لونه الاصلي
.
ولو عندك امكانيات وعاوزة تظبطي نفسك .. حطي ملعقتين جلسرين آخر حاجة .. عشان نعومة ايدك
.
وطبعا قبل كل استخدام هنرج الزجاجة كويس عشان تختلط الخلطة
.
المفاجأة
الصابون بيتقل ف ملمسه جدا .. حجمه بيتضاعف .. بيلمع المواعين ويعقمها .. بينعم الايدين
.
والحاجة الرووعة
بيحافظ ع سلك المواعين فترة أطول مش يصدي (حطي السلكة ف علبة وعليها شوية مركزة منه .. هتفضل كتير كويسة )
.
بنقع قشر برتقال بلدي وقشر يوسفي وليمون .. ف ميه واحفظهم ف علبه ف الثلاجة .. ريحة ميتهم تجنن
وآخد منها وأزود الصابون السائل .. وااااو ع الريحة والنعومة والفيتامينات
.
بنقع قشر برتقال ويوسفي ف خل ف برطمانة هيبقى خل برتقال
وأزود منه الصابون السائل
وبحط منه نص كوب ف آخر شطفة ف الاتوماتيك (منعم ومعقم ويحافظ ع الالوان وريحته تحفة
عملت لتر بريل .. تقل جدا جدا .. زودته ميه برتقال وليمون بقي جردل مليان
وكمان تقيل جدا .. يعني هاخد منه شوية وهنخففهم كمان .. .
