هبه عبدالعزيز السواح _تكتب “هويتك في نجاحك “

لما حد يكره نجاحك وتنجح بمشيئة الله هنا بس بيكون للنجاح طعم ولا اروع سواء نجاحك علي المستوي الشخصي او العملي وده أقوي رد ليه 👈 هو نجاحك ✌

✏اكتب اسماء اللي احتاجتهم وخذلوك واتخلوا عنك ..
✏اكتب اسماء اللي سلسلوا رجليك انك تاخد خطوه في نجاحك وعطلوك ووقعوك وحطوا شوك في طريقك عشان ماتوصلش لتحقيق هدفك ..
✏اكتب اسماء اللي نجاحك بيضايقهم وبيتمنوا يشوفوك فاشل عشان يرتاحوا نفسيآ .

فلتر حياتك وسطح علاقتك مع كل شخص بيسحبك لدوامة سلبية يوم بعد يوم وخد عهد علي نفسك انك هتمحي المثل اللي بيقول فاقد الشيء لا يعطيه، وساعد كل اللي يحتاجك واقف جنب كل شخص وثق فيك واغرس روح الحياه والامل جواه وكن امين مع كل انسان إستأمنك وبادر بالخير بدون مقابل امنح حنانك وحبك للي حواليك

ماتستناش من حد حاجه …. تاني 👇

ماتستناش من حد حاجه

احفظها لما تتأكد انها بقت جزء من حياتك

وماتتعبش نفسك في ترتيب مكانة واهمية كل شخص في حياتك والله العظيم المواقف وحدها هي اللي هترتبهملك من أي مجهود تبذله

خلي صمودك وعنادك علي النجاح هو هدفك واسعي انك تحقق النجاح في المستوي الانساني اولا لان النجاح اللي هيجي بعده هيكون قوي وليه معني واساس وقيمه وأثر لكن لو فشلت في تحقيق نجاحك في الجانب الانساني اي نجاح هيجي بعده هيبقي نجاح زائف مؤقت مش هيوصلك للقيمه العليا الحقيقيه..

وامنح حبك وحسن ظنك مع الحذر لسلامتك من خفايا الصدور اللي لا يعلم بحقيقتها سوي الله

واعطي درس لكل شخص نيته مش صافيه ان الانقياء الاسوياء فقط هم اللي بيتمنوا النجاح لغيرهم وكمان بيساعدوهم بكل اللي يقدروا عليه وأصدمهم بالحديث الشريف ده:
(من سلك طريقآ يلتمس فيه علمآ سهل الله له طريقآ الي الجنه )

واثبت لنفسك إنك تقدر 💪 وتقدر 💪 وتقدر 💪

تقدر تنجح كأنسان أدمي .. تنجح كإنسان واعي ومسئول

اثبت لنفسك انك من صنع القوي المتين ✊☝

الكاتبة ..
مدرب العلاقات الإنسانية وتطوير الذات