خالد رفعت صالح يشيد بدور الخارجية المصرية بإرسال أدوية لمصرية بالمالديف كانت ستصاب بالعمي
أشاد الدكتور خالد رفعت صالح ،مدير مركز طيبة للدراسات السياسية، عبر صفحته الرسمية بموقع التواصل الإجتماعي فيس بوك ،بدور الخارجية المصرية فى مساندة ومساعدة المصرية المقيمة بالمالديف .
وكتب رفعت عبر فيس بوك ،” لازم نشيد بالايجابيات وبدور الحكومة ، دى صورة بنت مصرية إسمها ايه رضوان ، شغالة مترجمه فى المالديف،وهى (شفاها الله) مصابة للاسف بالجلكوما ولازم تاخد قطرة معينة دواء لعنيها،والا حتصاب بالعمى لا قدر الله ،بعد أزمة كورونا المالديف عملت حظر كامل على الخروج، الخروج بيكون بتصريح خاص من الشرطة ، والدواء اللى كان بيتم إرساله من مصر معدش بيجي عشان مفيش طيران، وهو غير متواجد فى المالديف أصلا والاستيراد ممنوع تماما .
وأكمل خالد رفعت صالح ” بنتنا ايه إتصلت بالخارجية المصرية تستغيث بيهم … الموضوع وصل للوزير فوراً ، وبشوية إتصالات تم إرسال الدواء من سفارتنا المصرية فى سيريلانكا الى بعثة الصليب الأحمر فى المالديف عشان يوصلوه ليها وينقذوا نظرها كل ده مجانا وعلى حساب مصر .
وقدم رفعت الشكر لوزير الخارجية قائلاً ” كل الشكر لوزير الخارجية و السفير حسين السحرتي والقنصل كريم أبو العينين … هى دى مصر اللى بنحلم بيها .
