تجربة اذاعية جديدة لمريم ميلاد في برنامج قطايف ولطايف

تقدم مريم ميلاد برنامج رمضانى جديد كل يوم ثلاثاء الساعة واحدة ونصف ضهرا على موجات اذاعة راديو مصر بعنوان قطايف ولطايف.

عن فكرة البرنامج والموضوع التى يعرضها تقول مريم ميلاد انه برنامج ترفيهى مسلى واول حلقة اليوم، وفكرة البرنامج، فكرتى ومن اعدادى وتقديمى

الفكرة انى جمعت مجموعة من ٦ افراد، اصواتهم متميزة وقلت انا هكون السابعه ونقدم برنامج كل حلقة بفكرة مختلفة مضحكة ومسلية وجديدة ع المستمعين
ترسم الضحكة على وشوش الناس تنوع الاصوات هيمنع المستمع من الملل.

الروح اللى خلقتها ف المجموعة روح حب وتناغم وتفاهم وكل شخص واخد حقة ف عرض صوتة وموهبتة

ومنها رسالة باسلوب غير مباشر لعودة فكرة فريق العمل مرة اخرى، بعرض قعدة اصحاب بيتكلموا ف اية ف وقت رمضان مرة عن الفوازير لية اختفت، مرة عن اشهر انواع الحلويات واسمها اساسة، اية وعن روح الدفء اللى موجودة ف مصر خاصة ف شهر رمضان ، وان اغلب دول العالم تفتقد هذة الروح، و كان اساسي عندى ان كل واحد يكون بطبيعتة جداا، عشان الروح دى توصل للمستمع
وبعون اللة مكملين بعد رمضان ف برنامج جديد
اما ف الاذاعة، او التلفزيون

الجدير بالذكر ان مريم ميلاد كان لها نشاط سياسى بارز وسبق لها الترشح لعضوية مجلس الشعب فى دائرة الجمالية ومنشية ناصر قبل ٢٠١١ وساهمت فى ثورة ٣٠يونيو ثم اتجهت لمجال الأعمال والمشروعات الخاصة واستضافتها العديد من البرامج التليفزيونة