أحمد فهمى: أستعد لكتابة الجزء الجزء الثانى من فيلم “كده رضا” لأحمد حلمى
كشف الفنان أحمد فهمى عن استعداده لكتابة الجزء الثانى من فيلم “كده رضا” بطولة النجم أحمد حلمى، بعد النجاح الكبير الذى حققه الجزء الأول من العمل وقت طرحه عام 2007.
وقال أحمد فهمى خلال حلوله ضيفا على برنامج “مساء dmc” مع الإعلامية إيمان الحصرى: “أحمد حلمى كلمنى عشان نعمل كده رضا 2، ودا قبل سره الباتع والسفاح ومستر إكس، فقولتله هيبقى صعب هات حد مكانى، قالى لا خلص اللى عندك وأنا بعمل فيلم، ونعمله، لأنه حقق نجاح كبير وكان فتحة خير عليا”.
وأضاف أنه في تلك الفترة كان يعاني من قلة العمل، وأثناء حديثه مع عمرو سلامة نصحه باستكمال عمله في الكتابة لكسب المال، حتى تأتي إليه فرصة تمثيل جيدة، موضحا: “عمرو سلامة أول حد علمني ازاي اكتب اسكريبت، وكان بيوريني اسكربتات مكتوبة، عشان أعرف أعمل زيها، وفكرة كده رضا عملتها أنا وعمرو وبعدين أنا كتبتها”.
وذكر: “لما حلمي طلب يشتغل معايا، قولتله أنا بالفعل عندى فيلم مكتوب، وبعتلوا الاسكربت وعجبه جدا، وقالي نتقابل، واشتغلنا على الاسكربت سنة ونصف قبل تنفيذ العمل”.
