أحمد الجنيدي يضع خطوات بسيطة لتخطي الأزمة الأقتصادية على كل مواطن
بسبب الظروف الاقتصادية التي يمر بها المواطنين هذه الفترة، نصح أحمد الجنيدي، المدير الاقليمي لأكاديمية تدريب علوم الرياضة بلندن TASS ACADEMY، ورئيس الهيئة العليا لمؤسسة كوادر مصر، قائلا “الفتره الجايه مش سهله، مبدئيًا لو انت صاحب مشروع فلازم انك تحجم وتقلل اوي مصروفاتك ومتستهونش بحاجه حتي لو بسيطه، ولو معاك سيوله خزن خاماتك ومستهلكاتك وخلي احتياطي امان على جنب، والاهم ركز تنمي مواردك وتكثف التسويق وتعلي جودة خدمتك او منتجك عشان لو اهملت مش هيتسمي عليك”،
واضاف الجنيدي ان “اما لو موظف ركز اوي في شغلك وامسك فيه واهتم بيه واثبت قيمتك واضافتك ليه لان الفتره الجايه الفرص هتقل وهيحصل عملية فلتره وتحجيم بشكل مبالغ فيه والبقاء هيكون للأكفاء ولو دورك مش مؤثر او عادي فعادي يستغنوا عن خدماتك العاديه، والمهم دلوقتي انك تبعد عن اي حاجه ملهاش لازمه، من الاخر خلي طاقتك ومجهودك ومالك لاولوياتك بس اي حاجه ثانوية ابعد عنها عشان مفيش مجال للدلع، مشير الى ان “الأهم انك تتعلم تتدخر، اعتبر عندك التزام زياده وشيل فلوسه على جنب سواء جمعية او حساب في البنك، المهم لازم تعمل احتياطي امان لنفسك” .
لافتا الى “اخر حاجه ورغم كل دا اوعي تبخل انك تتصدق اي كان المبلغ، صدقني دي الحاجه الوحيدة اللي هتكون سبب في نجاتك من كل ازمه مهما كانت صعوبتها عليك ربنا هيفرجها عليك ومش هتستوعب مدي كرمه ورزقه ليك، واوعى تنسى السعي، مشاريع كتير توليت إدارتها ورغم صعوبتها بس دايما معنديش اي امل اني هقدر انجحها غير اني هسعي وكلي ثقة وايمان بإنها هتنجح. و️مغامرات كتير خوضتها بأرقام وانا مش ضامن نتايجها وكانت كلمة السر في السعي، حقيقي لازم تتعلموا ثقافة السعي في العلم والشغل والرزق لانها السبيل الاقوي لنجاحك” .
