اهمية البروتين لجسم الانسان ومصادره
اللحوم بتحتوي علي بروتين وحديد ومجنيز وزنك ودهون مشبعة..
واللحوم من اهم مصادر البروتين وميغنيش عنها ولا يعوضها شئ.
اولا البروتين هو اساس بناء العضلات .
فالانسجة العضلية بتتشكل من البروتينات اللي بتتكون من احماض امينية ..
يعني لما بتاكل لحمة مثلا بتتفكك وتتحول لاحماض امينية عن طريق عمليات الايض التمثيل الغذائي ..
وبعدين تتحول الاحماض دي لبروتين يتم من خلاله بناء الانسجة والعضلات..
ولازم نعرف ان مقارنة البروتين الحيواني بالبروتين النباتي يعني مثلا
اللحمة لما نقارنها بالفول والعدس فهنلاقي ان اللحوم بتحتوي علي جميع الاحماض الامينية اللي بيحتجها الجسم لبناء العضلات
انما البروتين النباتي فهو مصدر غير كامل للاحماض الامينية ..
بس بردو لازم نعرف ان اللحوم البقرية والحيوانية زي الخرفان والبقر والجموس وهكذا كتره مضر لانه بيحتوي علي كميات دهون مشبعة بصورة كبيرة وبتعمل ضغط كبيرة علي الجهاز الهضمي.
والمفروض ننوع وناكل لحوم طيور فراخ ولحوم اسماك والبيض ومع كل ده نقدر نستعمل بروتين نباتي لكن ميكونش هو اساس المصدر الغذائي ..
