كباب الحلة فراخ بالفرن
نهى الزينى
المكوّنات
فرخة مقطعه 8 قطع
حبة طماطم متقطعة مكعبات
حبة بصلة متقطعة مكعبات
حبة فلفل أخضر مقطع مكعبات
0.5 حبة فلفل حار
ملح وفلفل اسود
معلقتين سمنة
0.5 مكعب مرقة خضار
بهارات فراخ
نص ملعقة صغننة سكر
معلقتين صويا صوص لو عايزة
طريقة التحضير
اول حاجة نغسل الفراخ بالملح والخل والدقيق كويس جدا وننقعهم نص ساعه وبعدين نشطفهم كويس * ودا العادى دايما لغسل اللحوم بانواعها *
ثم بعد ذلك نتبل الفراخ بالملح والفلفل والبهارات ونضع السمن علي النار بصنية تيفال عشان الفراخ متلزقش ونشوح قطع الفراخ وتاخد لون ذهبى ثم نضيف البصل بعد اما نكون دعكناه بشوية ملح وفلفل اسمرونقلب تقلبتين ثم نضيف الطماطم ونقلب كويس ونضيف الفلفل الاخضر والحامى وسنة السكر ومرقة الدجاج ونقلب وممكن تضيفى شوية ميه مغليه واول ما تغلى الصنية تدخلي الصنية فرن حامى 200 درجة تكونى مشغلاه من الاول حتى تتسوى ويتحمر وجهها
ولما تستوى احضرى طبق المونيوم فويل صغير او ورقة فويل زى ماانا عاملاها بالصورة وسخنى قطعة فحمة كويس اوى ع الناروحطيها على ورقة الفويل وملعقة زيت وطفى بيها الفحمة وغطي الصنية بسرعه واحكمى الغطاء 10 دقائق لتعطيكى رائحة الشواء”
وممكن يقدم بالعافية مع * عيش وتومية وبطاطس محمرة وسلطة خضرا *
