الصحة والأسرة
علاج فرط الحركة عند الاطفال
قبل ماتحكمي علي ابنك انه عنده نشاط زايد عن العادي اسالي نفسك اسئله مهمه اوي .
هو انا بخرج ابني بانتظام وبرضو مبتقلش حركته؟
هو لما بنخرج نلعب ونجري ونطنطط لما بيروح برضو مبيفصلش ويفضل مواصل او يفصل ربع ساعه نوم ويرجع تاني!!
هو بيتحرك كتير طب وبيستخدم الحركه دي فالتخريب وممكن تكسير؟؟
عنده احساس بالاضطهاد او مشاكل سلوكيه كتيرررر?
لو اجابتك عالاسئله دي نعم ده مؤشر هااااااام للحظر
نقطه مهمه اوي معظم اطفال فرط الحركه الام بتطلب اصلا تعديل سلوك ولما بنيجي نشخص تلاقي الطفل اساسا فرط حركه
فيه ترابط قوي بين المشاكل السلوكيه وفرط الحركه وعلاجها بيبقا بتقليل نسبه فرط الحركه اولا ومش العكس
طب انتي قبل ما تروحي لمتخصص لازم تعرفي دورك
فرط الحركه زي العربيه الغاليه لو اتوظفت صح حيبقا مفيد ولو متوظفتش صح حتبقا مخربه
والبنزين للعربيه دي هو المواد الحافظه والاجهزه الالكترونيه اللاب والتاب والفون و التليفزيون وكمان الراوتر
يعني قبل ما تروحي لمتخصص من نفسك قليليهم وكل مرحله وسن ليه عدد دقااااايق مش ساعات قدام الاجهزه دي وكل دقيقه بتفرق مع الطفل لو ماثرتش علي الحركه تاثر علي صعوبات التعلم و تشتت الانتباه وغالبا حتلاقي الطفل ده قدام التليفزيون ملاك ولو عايزه تتقي شره اديلو بس التاب والعكس طبعا صحيح
لازم تقنني الحلويات والسكريات والمواد الحافظه
لازم تقنني الاجهزه والالعاب
لازم توجدي البديل للطفل انتي بتحرميه من التلفزيون واللعب الالكترونيه وعايزاني مكسرش يبقا لازم تستبدليها بالعاب تعليميه
لازم الطفل ده يلعب رياضه عالاقل مره فالاسبوع ويفضل بلاش رياضات عنيفه وفالاول بلاش جماعيه لو عنده مشكله فالانتباه
الكلام ده حتي لو عملتي الي عليكي وودتيه لاخصائي لازم تعملي النصايح دي بجانب تعليمات الاخصائي
