الصحة والأسرة
متى أستخدم الأدوية المستعملة؟
هو ينفع اشيل الدوا في التلاجة بعد ما يتفتح و ادي ابني منه لو لا قدر الله مرض تاني مدام تاريخ الانتهاء مجاش ؟؟ ولا لازم ارميه و في كل مرة اشتري دوا جديد ؟؟
ده سؤال مهم جدا ولازم الناس كلها تعرف اجابته خصوصا مع الزيادة في اسعار الادوية و الغلاء اللي الناس كلها بتعاني منه..
.. كقاعدة عامة .. عدا المضادات الحيوية اللي بتتحل في مياه اللي مدة الاحتفاظ بيها تتراوح ما بين 10 : 14 يوم ولكن في الثلاجة .. فغير كده ينفع طبعا الأدوية تشيليها في التلاجة ونستعملها تاني بالشروط الاتية:
١) ادوية الشرب زي السخونية و الكحة و غيره تفضل في التلاجة بعد اول مره اتفتحت فيها لمدة ٦ شهرر.
((درجة حرارة اقل من ٢٥ درجة باي حال من الاحوال وفي بعض الادوية تحفظ في درجة حرارة من ٢-٨ درجة مئوية و دي بيكون مكتوب عليها كده))
٢) الغسول و الشامبوهات الشامبوهات الطبية و سوائل الاستحمام تستخدم لحد ٦ شهور
٣) قطرات العين و الاذن و الانف تستعمل لحد ٢٨ يوم
٤) الكريمات الموضعية ((الثقيلة)) creams تستعمل لحد ٣ شهور بعد الفتح و المراهم ((الخفيفة)) ointments تستعمل لحد ٦ شهور لو محفوظين في انابيب اما لو محفوظين في علب يبقى الكريم يقعد شهر و المرهم ٣ شهور
٥) البخاخات تستعمل لحد تاريخ انتهائها
٦) الانسولين ٤ اسابيع بشرط حفظه في التلاجه
٧) اللبوس و الكبسولات لحد تاريخ انتهاءها مادامت محفوظة في شرايطها
يعني في العموم الدواء الوحيد اللي مينفعش نشيله بعد الفتح هو المضاد الحيوي غير كده زي ما قولنا فوق
متقلقوش و متسمعوش كلام الناس و شيلو الادوية و متشتروش جديد عمال على بطال .. بلاش هدر في الدواء بلا داعي و بلاش ارهاق زيادة لميزانيات بيوتكم ..
ربنا يحفظ اولادكم
