شاهد.. بهاء الدين محمد يوجه رسالة لمحبي عمرو دياب
كتبت – إيمان رضوان
علق الشاعر بهاء الدين محمد، على ما فعله الهضبة عمرو دياب خلال حفله بجامعة مصر الدولية عندما طلب منه أحد جمهوره أكثر من مرة غناء “قال فاكرينك”وقام دياب بمهاجمته في الرد عليه، وذلك عبر صفحته الشخصية على موقع التواصل الإجتماعي الشهير “فيسبوك”.
وكتب “بهاء” عبر صفحته قائلًا “أولا : بعد أحداث هذا اليوم واللى عايز يتابعها ف البوست اللى قبل ده لمجرد إعتراضى على الطريقة والإسلوب اللى إتكلم بيه عن أغنية ناجحة خلاص
وإكتشافنا للهجمات المنظمة المدفوعة طبعا ومقصودة من الشتائم وقلة الأدب اللى مستحيل تطلع من جماهير عمرو دياب أقول : قرارى اللى خدته لارجعة فيه” .
وتابع “ثانيا:عمرودياب موجود من غيرى لأن له تاريخ وإسمه ومكانته.. وأنا الحمدلله ليا تاريخى مع كل حد غنالى و بانجح الحمدلله نجاحات واضحة وملموسة يعنى مش محتاجين بعض نهائى” .
واستكمل حديثه قائلًا “ثالثا : لو هما دول جماهيره يبقى أنالغيت من تاريخى أى أغنية كتبتهاله ولن تجدوا بوست ف يوم من الأيام مضمونه ولو سطر من أعمالى معاه.. وأشكر كل إنسان وإنسانة إتكلموا عنى ولو حرف ب بحب وإحترام.. وشكرا وإنتظروا العديد من الأعمال اللى إن شاء الله تحبوها زى الحقيقه وغيرها”.
