بعد تعرضها لجلطة في القلب.. الجمهور لمي حلمي ومحمد رشاد :العين فلقت الحجر
كتبت – إيمان رضوان
تصدرت الفنانة مي حلمي، ترندات مواقع التواصل الإجتماعي المختلفة، وذلك بعد ان تعرضت “حلمى”، لوعكة صحية تم نقلها على أثرها إلى أحد المستشفيات الخاصة، بعد يومين على إلغاء زفافها على المغنى محمد رشاد بسبب خلافات عائلية، واشعل خبر نقل مي إلى أحد المستشفيات نشطاء مواقع التواصل الإجتماعي المختلفة الذين تمنوا أن يعود الثنائي إلى بعضهم ويتم الزفاف عقب استقرار حالة مي الصحية.
وتستعرض “الديوان” لمتابعيها أبرز تعليقات الجمهور:
قالت علياء عز الدين “مي حلمي اسوء حاجه في الدنيا الخذلان ربنا يشفيها علشان مفيش راجل يستاهل بجد”
واضافت هناء “مى حلمى المفروض فرحها كان م يومين وقبل ميبدء بساعتين شوفتلها فيديو وهي بتتصور فوتوسيشن بالفستان والفرح اتلغي ومتمش خالص ودلوقت شوفت فوتو ليهاومكتوب انها اتنقلت للمستشفي بسبب هبوط حاد ربنا يشفيهاالخلاصه داري ع شمعتك تقيد مش كل حاجه نحكي عليها ونوريها للناس العين فلقت الحجر”
واضاف أخر “بعد الغاء حفل زفافها بساعات .. مى حلمى في المستشفى وأنباء عن تعرضها لجلطة في القلب ، ربنا يقومها بالسلامة ويرجعو لبعض انا مصدوم ومش مصدق اللي بيحصل دا حرام قصة حب زي دي تنتهي بالطريقة دي”.
بينما قالت بن زعفران “لما شوفت الل حصل لمي حلمي وبعد مالبست فستانها واتصورت وعريسها سابها ف القاعة وجالها جلطة ف المخ وده كله بسبب اننا بنسبق الاحداث نقعد نتصور وننزل الخروجات ونصور الفستان والحورات الل بتحصل كلها وكل شوية صورة مع خطيبها وغير وغير وف الاخر ياا مولاي كما خلقتني من الاخر داري ع شمعتك”
فيما اشار سيف هيثم “الموضوع كبير و 90% من الناس بتردد كلام بيتقال و مش معروف هل هو صحيح ولا مزيف غير الإعلام و السوشيال ميديا اللي طالعين يشوهوا في صورة مي و محمد بشكل عشوائي ببساطة مي هتقوم بالسلامة و هي اللي هتحكي بنفسها و اظن ان رد محمد كافي لإنهاء اي جدل وخلينا مع الصحف الموثوق فيها”.
