السيسي يؤكد استكمال مشروع 100 ألف فدان صوب زراعية “فيديو”
كتب – أحمد عادل
اكد الرئيس عبدالفتاح السيسي، على ضرورة التعاون بين جميع المؤسسات الحكومية لتحقيق النجاح، مثل قطاع الكهرباء والزراعة ومركز البحوث الزراعية ووزارة الرى..
واكد السيسي خلال افتتاح المشروع القومى للصوب الزراعية، على الاستمرار فى استكمال مشروع الـ 100 ألف فدان صوب زراعية: “هذا المجال مكنش أبدا يطلع فى نفس الوقت إلا من خلال منظومة العمل اللى اتحققت، وزارة الكهرباء وفرت الطاقة فى مختلف الأماكن، ووزارة الرى وفرت المياه من خلال المآخذ المختلفة، ومكنش أبدًا ممكن اكتمال مشروع بالحجم ده إلا إذا كان هناك تعاون أيضا مع وزارة الزراعة ومركز البحوث اللى قدموا خبراتهم.
وأضاف الرئيس السيسي قائلا: “اتكلمنا على المشروع ده من سنتين، وقلنا 100 ألف صوبة والصوبة فدان، لقينا إن فيه بعض الآراء بتقول والأفكار، التى دعت إلى زيادة مساحة الصوبة الزراعية، مؤكدا أن هذا المشروع يجعل مصر ثانى أكبر دولة فى العالم فى مشروع الصوب الزراعية”.
وتابع الرئيس خلال افتتاح المشروع القومى للصوب الزراعية موجها حديثه للمصريين: “هل المشروع ده ميخلكمش دايمًا تشعرون بالفخر والسعادة، كل القائمين على المشروع مصريين يا ترى ده ميحسسناش إننا بنتحرك بخطى جيدة؟”.
وأضاف الرئيس: “يا ترى مشروع ال35 ألف فدان صوب اتكلف كام؟، لازم تبقوا سعداء وفخورين جدا يا مصريين، لما يكون حاجة أنجزناها مع بعضنا وتدينا أمل، وإذا كان 35 ألف فدان بيشغلوا 75 ألف عامل، طب لما نكمل الـ 100 الف فدان، هايوصل لـ 250 ألف عامل شغل حقيقى”.
ودعا الرئيس القائمين على المشروع إلى الاهتمام بالتدريب وتأهيل العمال، قائلا: “أرجو من القائمين على الشركة الاهتمام بموضوع التدريب والتأهيل والمحافظة على المعايير المعمول بها حتى يستمر نفس الآداء الذى نتمناه”، متابعا :”إحنا اتكلمنا على مشروع الـ 35 ألف فدان، لكن مشروع المليون ونصف فدان شغالين فيه، وأرجو عرض آخر تطورات ما وصلنا إليه فى هذا المشروع”.
وتابع الرئيس: “بنعمل كتير لينا ولشغلنا وحياتنا ومستقبلنا وبنعمل الحاجة زى ما انتو شوفتوا بشكل متكامل يعنى بنوفر كل المنظومة على بعض، وكان دايمًا يقولك فى السوبر ماركت الكبير ده “أورجانيك”، يعنى الناس تاكل أورجانيك وباقى المصريين مياكلوش أورجانيك ولا إيه؟، اللى معاه فلوس ياكل أورجانيك والباقى مياكلوش؟، لا.. إن شاء الله كله هايبقى كده، بس إجروا معانا علشان اللى تحقق النهاردة أمر يسعد ويشرف المصريين”.
