أوعي ترفع الرايات البيضا
شعر سامي القريني
أوعي ترفع الرايات البيضا
للناس ونفسك الهزيمه
حتي المرض العلم أثبت
انك تقهره بإرادتك والعزيمه
ومهما كان خصمك شديد
ومهما كان الألم
اغلبه بابتسامه عظيمه
أوعي تبين لعدوك انكسار
مهما كانت تجربتك أليمه
ولما يشتد الوجع من نذل خاين
اصرخ في وشه صرخه
تقوله ان مالوش اي قيمه
لو صاحب ميل عليك ساعده
ولو مال عليك عامله كالبهيمه
اصله قليل الأصل إنساه إكره
هواه مفيش علاقه مستديمه
إوعي تندم علي خير عملته
معاه حتي لو هراك نميمه
قالوا عن مريم عيسي موسي
ومحمد وعيشه دي قصه
معروفه من الصغار قديمه
أوعي تحني ضهرك قدام الكلاب
ويشموا خوفك دول
اولاد شوارع جبنا و لئيمه
عارف ان غدر الأهل والأصحاب
تجربه صعبه وأليمه
عارف ان طعم الخيانه مر
وبعض الناس شايفينك غنيمه
كل ما اديتهم يفتكروك عبيط
اللي عندك بيشوفوه ليهم وليمه
ماهيمكش من نباحهم دول أعداء
نجاحك اللي حققته بكفاحك
ولما اديت كان بحب ونيه سليمه
خليك مع الله مفيش لك سواه
عدوك إنساه طول ما طرقك مستقيمه
أوعي أوعي أوعي ترفع
الرايات البيض لمرض أو أزمه
ومؤامره وتعلن لعدو الهزيمه