الصحة والأسرة
الباتيه الهش الطري
المكونات
5 كوب دقيق
كوب حليب دافي
كوب ماء
بيضتين
معلقتين زبده
معلقتين سكر
معلقة كبيره خميره فوريه
رشة ملح
فانيليا
زبده بحرارة الغرفه للفرد
للحشو
شوكليت خام
او مربي
الطريقه
في وعاء نضع الحليب . ونضيف السكر والملح والخميره الفوريه ونقلبهم كويس
ثم نضيف البيض والزبده والفانيليا ونقلب مرة تانيه حتي تمتزج المكونات
ننزل بقي بالدقيق ونعجن مع اضافة الماء حتي الحصول علي عجين طري لا يلتصق باليد
نضع العجين بوعاء اوسع . ونغطيه ونترك العجين يخمر كويس
بعد ما بيخمر العجين بنقطعه لكور متوسطة الحجم
ونترك الكور دي ترتاح حبه
بعد ما بترتاح . بنفرد قطعة من العجين وندهن عليها معلقة من الزبده . ونطبقها . زي ما الصور موضحه
هنكرر فرد كور العجين ودهنها بالزبده ونطبقها كل واحده علي حده
بعد ما ننتهي من كل القطع . بنغطيها وندخلها التلاجه نص ساعه …
تنويه . راعي ان الجو حر . يعني لما تنتهي من كل قطعه دخليها التلاجه . لغاية ما تخلصي الكل
المهم
هنطلع القطع من التلاجه . واحده واحده
ونفردها بالمردنه . ونقسمها نصفين
ويا نحشيها بالحشوات اللي عاوزينها او نلفها ساده
انا حشيت بشوكليت خام . ومربي مشمش انا اللي عملاها في البيت
بعد ما ننتهي من الحشو . ورص قطع الباتيه في صاج او صنيه مدهونه سمنه
بنترك الباتيه يخمر مرة تانيه
ثم ندهن بالبيض
ونسخن الفرن . ونسوي الباتيه
التسويه
اهم حاجه نسخن الفرن كويس . في المخبوزات
وبعد ما تدخليه الفرن سيبيه شويه وبعدين هدي النار عشان يستوي كويس . ولما تلاقيه هياخد لون شغلي الشوايه . بكده نحصل ع مخبوزات هشه وطريه
يلا ان شاء الله تجربوه ويعجبكم
ممكن نقدمه سادة او نزينه بصوص . او ندهن الوش
مربي او عسل ونرش جوز هند او مكسرات
او حسب رغبتك….
