الخيار المخلل السريع فى البيت

نهى الزينى

المكونات:
كيلو خيار
فلفل اخضر
لتر ماء مغلى
3معالق كبيره ملح ممكن تزودى الملح وتنقصية حسب الرغبة
4فصوص توم كبار
معلقة كبيرة كزبرة ناشفة
ملعقة كبيرة من الخل
ملعقة كبيرة سكر
2ملعقة كبيرة زيت

هتجيبى برطمان وتكونى غسله الخيار وترصيه فيه بالطول وتزنقى بينهم وتغسلى الفلفل وتسدى بيه الفراغات اللى بين الخيار
تجيبى المياه تتدوبى فيها الملح والكزبرة والسكر والخل وتصبيه فى البرطمان وتحطى الزيت ع الوش وتقفلى البرطمان كويس وتحطى كيس قبل الغطا

تاكليه بعد تلات ساعات.. غلى المياه الاول ميخليش ريم ابيض يتكون على الوش