الرئيس لوزير النقل: الوصلة الشرقية من طريق «أسيوط – سوهاج» لازم تخلص فى 6 أشهر
أكد المهندس هشام عرفات وزير النقل والمواصلات، انخفاض نسبة الحوادث بنسبة 26 % بعد الانتهاء من المرحلة الأولى والثانية من المشروع القومى للطرق، متوقعًا انخفاضها مجددًا بعد الانتهاء من الدائرى الإقليمى.
وأشار وزير النقل والمواصلات، خلال كلمته فى افتتاح عدد من المشروعات التنموية، بحضور الرئيس السيسي، إلى أهمية الانتهاء من الوصلة الشرقية من طريق أسيوط لسوهاج، نظرا لخطورته الشديدة، حيث يعد الطريق الأعلى بنسبة حوادث فى مصر، موضحًا أنه تم إسناد أعمال الطريق لـ 4 شركات، ليتم الانتهاء منها خلال العام الجارى.
ورد الرئيس السيسي على كلمة وزير النقل، قائلا: “احنا قلنا الوصلة دى لازم تخلص، علشان فيها أعلى نسبة حوادث فى مصر على الإطلاق، وكل ما نخلصها بسرعة هانحافظ على أرواح المصريين، ولو الشركات قدرت تخلصها فى 6 أشهر دول 145 كم، يبقى بنحمى المصريين من أعمال قتل حقيقى وإصابات حقيقة على الطريق ده وهى الأعلى فى مصر”.
كما أشار الرئيس السيسي فى رده على وزير النقل، إلى التكدس المرورى الذى يشهده طريق السويس بطول 3 كيلو متر.
وتابع السيسي: “فوجئت بتكدس مرورى 3 كيلو وعلشان كده الجزء الخاص من الكوبرى لدار الإشارة لازم يخلص على طول علشان التكدس ده، زودوا حجم عدد الحارات على اللى انتو مخططينه”.
