اهمية فيتامين ( د ) او ( D )‎

الفيتامين دال يعتبر من اهم الفيتامينات للجسم وبرغم كدا هو مش بيكون موجود في اطعمه كتير فالاطعمه المتوفر فيها هي ( البيض – الكبده – الاسماك ) لكن نقدر نحصل عليه عن طريق التعرض لاشعه الشمس علشان كدا دايما بنلاقي اعراض نقصه بتكون غالبا في فصل الشتاء .

فيتامين ( د  ) مهم في تعزيز امتصاص الكالسيوم في الجسم وتعزيز نمو العظام والخلايا والتقليل من الالتهابات .

اعراض نقص فيتامين ( د )

  *  مشاكل عظميه ودي بتحصل عند الاطفال اللي عندهم نقص في الفيتامين زي الكساح ودا بيسبب تشوه في العظام مثل تقوس عظام الساقين كمان بيعمل عندهم تشنج في العضلات بسبب نقص الكالسيوم وبيأخر نمو الاسنان وبتبقي ضعيفه وكمان بتطلع مشوهه.

* نقصه كمان عند الكبار بيعمل

ضعف في العضلات ونقص في كثافه العظم لان مفيش امتصاص للكالسيوم بشكل سليم حتي لو بناخد كفايتنا من الكالسيوم وكمان نقصه يسبب هشاشه العظام وخصوصا عند النساء بعد سن اليأس ودا بيعرضهم للاصابه بالكسور .

*  تساقط الشعر

* تراكم الدهون والسمنه

* الاحساس بالخمول والكسل

*ارتفاع ضغط الدم

* التعرق الشديد

* الشعور بالاكتئاب والانفعال الشديد

* وممكن يسبب نقصه لا قدر الله بعض انواع السرطانات مثل سرطان الثدي والمبيض والبروستات

اسباب نقص الفيتامين بقي

* عدم التعرض الكافي لاشعه الشمس

* سوء التغذيه وعدم تناول الاطعمه التي تحتوي علي الفيتامين مثل البيض والاسماك واللحوم