حاسب منلستات
حاسب منلستات
شعر سامي القريني
حاسب منلستات
بيني وبينك سر كبير سر خطير
حطه في بير
حاسب حاسب منلستات
حتي اصغر البنات
عندي حفيدتي لما بتزعل
عليها أصعب قلبات
لما بتضحك الدنيا تنور
وتبقي شهد وشربات
أمي الغاليه فوق راسي عاليه
وهي ملكه الملكات
لكن لو غضبت اه ياني
كأن عزيز ليها مات
كاني وماني وبوس الايد
بوس الرجل ضحك لعب
أحكي حكايات
أما الأخت دي حاجه تانيه
قصه كبيره لو قلبت ثانيه
مفيش حاجه ترضيها في الدنيا
إلا واسطه أمي الغاليه
وياريت تنسي لك اللي فات
اما بناتي دول مراتاتي
وحمواتي وصديقاتي
احلي لحظه فعمري لما
اديهم حاجه تفرحهم
من غير ما يقولوا لي هات
حلوين طعمين
ملهمش ابداً طلبات
أما مرات ابني الاموره
طعمه كده حلوه وسنيوره
مفيهاش مكر ولا حاجات
كل يوم تسأل عني بتليفونات
أما مرآتي أنا مش حاحكي لكم
معروفه يعني لكل الناس
شاربين من نفس الكاس
رغم إنها مش نكديه
وأحلي هديه من السماوات
أما حماتي رقه وطيبه
مفيهاش غيبه
مش زي كل الحموات
وصي عليهم رب عظيم
ونبي كريم وهمه زينه الحيات
سلم تسلم وأحسن حاجه
لأجل تعيش سكات سكات
